[align=center]سبحان اللى هـنـتـك وهـنـتـيـنى ** ونسـيـتـك بعد ولعات وأنسيتينى



انسيت سحر اعيونك

وانسيت كيف سبحانه نضافة لونك

حساد الغلاء داروا دسايس دونك

عليه نين عاديتك وعاديتينى

واعاد يطعنونى فى بياض اسنونك

اللى قبل ما تزهى بغيره عينى
...............................

انسيت مغابك

وانتي زاد من شوري قفّلتى بابك

ولا عاد تشقي يى ولا نشقابك

انتى دنقرى وانا نواطى عينى

حتى بيش نقار الغلاء يحسابك

لا يوم ريتك قبل لا ريتنى


مختارات من الشعر الشعبي الليبي
.
.[/align]

قطرة الماء تثقب الحجر ، لا بالعنف ولكن بدوام التنقيط.


زهرة الشرق