حضرتك يا اخي حسين بتتفرج علي الاخبار علي قناه ايه عشان نفسي اسمع الاخبار اللي انت بتسمعها دي

تركيا مين اللي وزير خارجيتها جه
ده وزير الخارجيه المصري اللي هناك يا حسين
صباح الخير

وليبيا مين اللي احرجت الساكت المصري
وبعتت مساعدات جويه اذا كان مطار غزه مضروب وفي حظر جوي
صلوا عالنبي كده يا جماعه وخليكوا عارفين انتوا بتقولوا ايه

مصر اه حكومتها مش قايمه بدورها
بس غصبا عن الكل ومحدش يقدر يفتح بقه هي احسن الوحشين
هي اكتر بلد عربي بيتحرك واللي عند كلام غير ده يوريني
هي اللي قدمت وبتقدم المساعدات

طبعا دي حاجات تعبانه جدا بس برضو
احسن الوحشين
متشمش وانت اوحش

جبلي دوله واحده دورها يساوي نص دور مصر في القضيه الفلطسينيه

الكلام ده مش وقته انا عارف ولا حابب اتكلم فيه لان مصر قصرت بس كله انيل واسخم

اللي اسمه حسن نصر الله العبيط ده طالع عمال يجعجع زي الهبل ويقولك المصريين ينزلوا يفتحوا معبر رفح بالقوه ومصر معرفش ايه
هو فاكر مصر دي علبه جبنه ده عشان اوصل من اسكندريه لرفح ستاشر 16 ساعه بالعربيه من غير وقوف

وبعدين مش انت عندك سلاح يا عم الراجل ما تفرجنا حبه من بتوعك واهي اسرائيل علي الحدود معاك

كله وحش يا حسين فبلاش والنبي حرقه دم وشتايم خلينا مركزين في الدعاء علي اسرائيل الله يكرمك

زي معرفش مين بيقولك نخرج المصريين من قطر ..بقي بعد ما بنولكم بلدكم حتطردهم جزاك الله خير يا سيدي

والجزيره عشان قطريه تصورلك عربيه مكتوب عليها

شركه ادويه القااااااااااااااااااااااااااااااااااااااااهره

وتقولك وصول المساعدات القطريه لغزه
يعني حتي مش عارفين يكذبوا عدل !!!!!!!!!!


ماااااااااااااشي مش مشكله مين بعت المهم بس انها توصل وخلاص

بس بقي مش نحرق في دم بعض بقي ونشتم ونعمل

احنا حتي في الغضب مش متحدين

خلينا علي قلب رجل واحد شويه

انا مردتش علي حاجات كتير وعلي تصريحات المتخلفين بتوع حماس
يعني اللي عمل التصريح
هو انت يا ابني حد بيجرليك في قضيتك الا مصر
وعمال يسافرلك هنا وهناك واجتماعات ووجع دماغ لان مصر حاسه القضيه قضيتها
وفلطسين دي جزء مننا
يبقي ليه تطلع تشتم يا حبيب قلبي مش تعقل كده وتركز وتكبر بقي
ويحتجز ناس من فتح
ويرفع علمه فوق علم فلسطين
وحاجه يعني ربنا يعينهم بتوع حماس علي نفسهم والله العظيم

كلنا دلوقتي ضد اسرائيل وبسسسسسسسسسسسسسسسسسسسسسسسس
ومع اي سبيل مهما كان صغير لمساعده غزه


ممكن نعمل ده ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

بقولها وعلي مسئوليتي ومش عشان بلدي اقسم بالله
ده من قرايتي وقرايه خبراء للوضع
واتحدي اي عاقل بيفهم سياسه في الدنيا يقول غيرها


ليس لغزه بعد الله الا مصر

زهرة الشرق



zahrah.com