[align=center]خبر مفجع
لاحول ولاقوة إلا بالله العلي العظيم
نعم أتناء زيارتي للأسكندرية
شاهدت حالات العمارات التي بالفعل تعتبر غير صالحة لسكن
وغير أمنة كلياً
ونسأل الله السلامة
لجميع العباد وأن ينجو الكثير من مخاطر السقوط
.[/align]
.
لكن المناطق التي بهاجامع سيدي بشر
فهي جميلة ومهيأة لسكن ومطلة على البحر
.
.
|
يا هيام لا طبعا العمارات في الاسكندريه من اجمل المباني وليها طرارزات روعه في البناء بس دي زي ما قولتي اللي قريب من البحر
بصي يا هيومه القطار بيقسم اسكندريه نصين
النص البحري اللي بين القطر والبحر ده بتاع فوق المتوسط لحد اغني الاغنياء كل ما تقتربي من البحر مع اختلاف المنطاق بين راقي وراقي للغايه بعرض المدينه
العمارات الرائعه والبنايات الشاهقه والفيلات والقصور والمتنزهات والمصايف والنوادي والمولات
والنص القبلي ده بتاع المتوسطين وكل ما تبعدي عن القطار باتجاه الجنوب يقل الحال اكثر واكثر واكثر الي ان نصل الي المناطق التي نتحدث عنها مناطق المعدمين ومن هم تحت خط الفقر
عايز اقولك بتجيلنا في ميامي شركه اونيكس الفرنسيه للنظافه
وبتروح العصافره وسيدي بشر قبلي شركه فيوليا المصريه للنظافه
طبعا فارق بين الشركتين ضخم (شايفه حتي التفرقه من الحكومه في العنايه بنظافه الحي !!)
من سنه جت الشركه اللي بانيه العماره اللي انا فيها وعايزه تبني فوق الدور الستاشر شقه كمان
جه فريق كامل من المحافظه بعد ما بنوا الشقه هدها كلها في ظرف اسبوع
(يا سلام عالاهتمام ..طبعا عشان عمارتي فيها لواء جيش حصل اللي حصل لو كانت عماره في الاحياء الفقيره فيكش يبنوا ميه دور )
وبعدين يا هيومه بيني وبينك كده
بقي يا ست يا طيبه معجبكيش في اسكندريه الا جامع سيدي بشر ده انا لما بعمل موضوع مبنزلش صوره هههههههههههههههههههههه ميامي اشد يا هيووووووووووووم مليون مره-بيحب منطقته- وبعدين مافي بقي شوراع كفر عبدو وخليل الخياط وسوريا هناك الشقق مليون ونص بعد غلو الحديد والاسمنت وطالع
انا مبتكلمش علي دول انا بتكلم علي حتت مظنش انك شوفتيها يا هيومه اللي انا قولت عليها تحت خالص
زي الرمل الميري اللي حصلت فيها الحادثه دي
وهي مش مشكله البناء هي مشكله المراقب علي الارتفاعات المعين من الوزاره
ميرسي يا هيوم عالمرور