|
يوميات عيد @@يالله ياخوات ادخلو وشاركو...
السلام عليكم ورحمة الله وبركاته..............وكل عام ونتم بخير ومن العايدن الفائزين دوما وابدا بالطاعات والحسنات
ارجو ان موضوعي لم يسبقني اليه احد نبغى كل وحده تدخل وتقول لنا وش طريقتهم واستعدداتهم وعاداتهم في العيد السعيد حتى نتعرف على عادات بعض القبائل والشعوب وناخذافكار نسويها في اعيادنا القادمه ان كتب الله لنا اعمار فلنبدا بارك الله فيكم
طبعا انا معيده بعيد عن اهلي واهل زوجي لكن بقول لكم اش سوينا في العيد انا وزوجي طبعا ليلة العيد ماتوقعنا يكون بكره عيد كنا نتمنى انه يكون تكمله لشهر الصوم طبعا حزنت وجتني غصه في حلقي وضيقه في صدري مايعلمها الا الله وحده فشيت غلي بالبكاء وبدانا نخطط زي المرضى جهزت شوية افكار اسويها يوم العيد للاستعداد حاولت انام عشان اصحى بدري طبها مانمت صلينا الفجر وقمت سويت قهوه لابو عبدالرحمن تقهوى قبل يروح يصلي وقمت المطبخ احوس سويت صينيتين حلا وفطور وجهزت اغراض للطلعه طبعل ماقلت انا قررنا نعيد في شاليه في مدينه ضباء على ساحل البحر الاحمر مع اخو زوجي وبعض جماعتنا من الشمال4$ارجع لتكملة استعدادي للعيد طبعا جا ابو عبد الرحمن افطرنا وقعد يهاوش ليش تتعبين نفسك وتقعدين تسويين وتحوسين كل شي بنشتري جاهز قلت عادي نمنا الى الظهر وقمت مفزوعه بعد وراي شغل تجهيز ملابس لعبود وفرش واسوي غدا وبعض الموالح للطلعه سويت وتجهزنا ولبسنا وسويت شعري ولبست وتشيكت ومكياج ودلع واحنا مسافرين 160 كيلو وصلنا الساعه خمسه والحمدلله جيت لقينا الجماعه وصلو قبلنا ونامو وصحيو عاد تفشلت لقيتهم بكششهم ملابس بيت لامكياج ولاكحل وحالتهم حاله وانا حتى الحنا تحنيت ولبست بعض قطع الذهب حسيت اني منتفشله عاد انبسطنا وجلسنا يومين ناكل ونشرب ونسولف ونروش في الاولاد خارجين داخلين البحر واليوم الثاني بعد العشا رجعنا البيت وانتهى العيد واتمنينا انا نطول على موالنا هذا بس ماطفشني الاعبودي الله يحفظه في الليل مايخلينا ننام مبسوط من الفرش جنب بعض الاولاد نايمين والولد انبسط يلعب فوقهم والحمدلله وهذي يوميات عيدي يالله قولو ايام عيدكم عشان اقولكم يوميات عيد اهل الجنوب وشكرا على تفاعلكم معي مقدما
|