|
رد: مصر واسرائيل هذا الاسبوع
[align=center] طيب ممكن تشرحلي بالمختصر المفيد ماذا يعني هذا الكلام
2- تأمين الشعب الفلسطيني
بس انت يا ابو نواف علطول مش بتفسر في سياق النص
دايما تقتبس جزء من الكلام بتره يعطي معني اخر وتلعب علي هذا الوتر
كل طرفين متنازعين لابد ان يكون بينهم وسيط
وهل من المعقول ان تكون هناك مناقشة مباشرة بين طرفين
متنازعين دون وسيط ؟ وكونهم اختاروا مصر هذا لايعني أنها
أفضل . ولنفرض ان مصر رفضت ان تكون الوسيط وهناك
نية رغبة بالهدنة الايستطيعون اختيار غيرها للقيام بهذا الدور؟
اولا انت متنرفز من مصر كده ليه يا اخي الحبيب؟؟
ثانيا اديني مثال لافضل من مصر
ا- له باع في المفاوضات مع اليهود
ب-وميكنش فيه ضغط امريكي علي قراره الحر(قواعد يعني )
ثالثا مش مساله ما يستطيعوش اختيار غيرها
لأ
كله يا اما امريكا هو عدوها زي حزب الله وايران وسوريا وكده
يا اما بيخاف ويترعب من امريكا ومش بيرضي يعترف علي حماس الا كمنظمه ارهابيه او بيتجنب الموضوع ويشتري راحه باله زي ( انت عارفهم كويس )
فمفيش الا مصر 
ثم انك في اتفاقات الهدنه زي ما تدي زي ما تاخد الا لما تكون منتصر فتملي شروطك
لكن مش ابقي متبهدل ومتحاصر وكمان املي شروطي (رحم الله امرء عرف قدر نفسه ) يا ابو نواف
ده سيدنا خالد انسحب من مؤته بذكاء
وكذلك المفاوضيين المصريين بيحاولوا تحقيق اكبر كم مكاسب بذكاء وطول بال مع ابرد خلق الله في المفاوضات
5- يمنع وفقا لحق الفيتو الامريكي مناقشه امور مد
المستعمرات الاسرائيليه في الضفه الغربيه او القدس
الا يعني هذا اذا كانت هناك هدنة سيستمر الاستيطان ؟
ده قانون دولي عام يا ابو نواف استحاله يتغير الا بالقوه او بالحصول علي فيتو مماثل ليلغي قراري الفيتو بعضهم البعض
حضرتك عايز تغير القانون الدولي العام ؟!!!!!
ده مش بيحط قواعده الا الخمسه الكبار عن طريق عرف تم تقنينه -علي مزاجهم من الاخر- من بعد الغاء عصبه الامم وتحويلها لهيئه الامم
ثم فيه معاهده فيينا كله موقع عليها وبتضمن الحديث علي حق الفيتو
وحتي لو حبت الدول الصغيره وضع قواعد بتضعها في اطار نسق حديث بعيد عن العرف اللي بيحتاج لعنصر الزمن اللي هي بترفضه رغبه في الحصول علي مطالبها بسرعه ومن ثم بتلجأ لاعلانات المؤتمرات الدوليه وكده لتثبت حقها وتعرض الامر علي الامم المتحده وبمجرد رفع حق الفيتو يلغي القرار دون ابداء الاسباب لو معجبش الخمسه الكبار حتي لو وافق اكثر من ثلثي الاعضاء ولو كان من ضمنهم اربعه من الخمسه الكبار ما لم يستعملوا حق الفيتو
ولو مش عاجبك النظام ده استعرض عضلاتك بقي
بس علي رائ المثل الشعبي
(اللي يحضر العفريت يتحمل اذاه)
6- تكون حماس مسئوله عن تصرفات باقي الفصائل الفلسطينيه
الا يعني هذا خلط الاوراق بين المنظمات الفلسطينية لخلق العداوة ؟؟
بص يا ابو نواف
اولا فاول كده حماس وافقت علي البند ده هي وباقي الفصائل فمش حنعرف مصلحتهم احسن منهم
ثانيا ده احسن بند في الاتفاقيه لان الوسيط مش بيحب وجع الراس وفيه تلميه الف فصيله فلسطينيه للمقاومه
ده يضرب رصاص تيجي تكلمه تلاقي ده يضرب صاروخ تروحله ده يضرب ار بي جي
يبقي كبير الفصائل هو المسئول وده الصح مائه في المائه
ثالثا هما مستنين البند ده عشان يختلفوا يعني ما هم ما شاء الله مقطعين بعض من زمان
وبعدين اختلف معاك البند ده حيحد العداوه لان حماس حتبقي تصرفاتها مسئوله للغايه لانها (اللي في وش المدفع الدبلوماسي)
كمان اي تصرف خطأ في غير مصلحتها لانها مستفيده جدا من الهدنه
تحيتي لحضرتك[/align]
|