|
رد: أدرج شخصيــة تعجبــــك
[align=center]ايه افكار الموضايع الجامده دي بس يا نور
طبعا يا نور ( القائد القرطاجي / حنا بعل) انا موهوووووووووووم بيه
حقولك لمحات من حياته في سطور قصيره من دماغي
اولا القرطاجيون لازم يضحوا باصغر ابنائهم للالهه وهو شاف وهو صغير اخوه الصغير الرضيع وهو بيلقي في النار فدي اثرت جدا في حياته
لما كبر راح يغزو بلاد الروم باربعين الف فارس بس
بدء الرومان يبعتوا ليه جيوش كتير جدا كل جيش تلت او اربع اضعاف جيشه
ورغم كده ينتصر عليهم بقوه
كان متواضع بشده رهيبه كمان كان عظيما بشده رهيبه
الف العقيده القتاليه التي تقول
( كي تنتصر في كل حال .. لا تجعل ارضك ميدانا للقتال)
هذه العقيده اعتنقها كل قائد عسكري محنك حتي سيدنا محمد صلي الله عليه وسلم بعد غزوه الخندق حينما قال اليوم نغزوهم ولا يغزونا
هذه العقيده تعتنقها الان اسرائيل وامريكا
عبر هذه العبقري جبال الالب الصعبه بعد مروره باسبانيا متجها الي روما بجيشه وامرهم ان يدهوا اجسامهم بالزيت كي لاي قتلهم برد جبال الالب
وسقط اقل من نصف جيشه صرعي للبرد
اول معركه حاربها اسمها علي ما اظن تسينو عمل فيها فكره جامده اوي اوي
ركزي يا ست نور
الرومان ليهم حراب طويله يقدروا يدمروا الجيش اللي قداهمهم بيها في ثواني والرومان عددهم 80000 الف وهو جيشه بقي 20000 الف
قام مودي مجموعه فرسان تطوقهم من الخلف
بقت حرابهم الطويله مش قادره تحمي ظهورهم العاريه فسقطوا بسرعه للغايه
بعتوا ليه جيش تاني وعسكر قريب خلي مجموعه صغيره من فرسانه تستدرجهم لمستنقع عمل لهم فيه فخ وابادهم
قوال حكمته المشهووووووووووووره اللي داياما اقولها لما اي حد ينجح
(( عندما تحرز نصرا انضم اليك حتي خصومك, وعندما تاتيك الهزيمه تخلي عنك حتي محبيك))
بعتلوه جيش تالت ووقف فوق الجبال ينتظر حنا بعل
وانتظر حنا بعل قدوم الضباب
وانقض علي الجبال من كل اتجاه بكل جنوده ودمرهم
واسر 15,000 وجيشه اساسا اقل من عشرين الف
تخييييييييييييييييييييييييييييييييييلي العبقريه العسكريه
مش ممكن مش ممكن مش ممكن مش ممكن محصلش ولا حيحصل تاني
ثم قال لهم
(( ما جئت اشن حرب علي المستعمرين ولا الايطالين بل جئت اشنها علي حكام روما الظالمين الطغاه))
وجن جنون روما وسموه الاسطوره
وبعتوه ليه اكبر جيش 300,000 مقاتل روماني متدربين علي مناورات العرقله وجواسيسه قالوله وهو بيعد كمين رهيب ..
بصي العقل بقي
عايز اقوله كلمه (يخربيت عقلك يا شيخ)
ازاي يا نور استفاد من قله عدده وكثره عددهم ؟؟
ولد ولد ولد ولد ولد محصلش
بعت مجموعه جنود اشداء تقالهم
وسحبوهم للسهل المحاوط بالجبال ونهر واللي ملوش غير مخرج واحد ممر
وقف بعشره الاف فوق الجبال وتسعه عند الممر والف بين النهر والجيش الروماني اللي هي الجنود الاشداء
لاحظي بقي مساحه السهل ضيقه جدا
بقي الجنود الرومان 300,000 واقفين بيدوسوا علي بعض من الزحام الشديد
ضحك فوق الجبال
وقال دع الارض تقاتل عنك ,, هيا يا جيش قرطاج التهم هذه الوجبه الدسمه في خلال اربع ايام
وبالفعل في حلول اليوم الرابع ابيد 300,000 جندي روماني عن اخرهم
ثم دفعت له روما بقائدها احد عظماء العسكريه اخيرا اميليانوس
الذي قطع عنه الامدادات وهو يحاصر روما عن طريق غلق ما يعرف الان بجبل طارق
ومن ثم بدا يضعف جيش حنا بعل
ثم بدا يهاجم مدن قرطاج
فنحه جنوده بهزيمه روما ((فقال ان المهزوم مائه مره لن تضيره هزيمه اخري اما المنتصر فسيعيبه هزيمته))
ودي كانت غلطه عمره يا نور
انسحب لقرطاج وبخطه سريعه مملؤه بالخطا واجه اميليانوس في معركه زامه في قرطاج وخسر بسبب استعماله لسلاح الفيله الشديد
حيث ضربها جنود اميليانوس بالسياط فارتدت علي جيش حنا بعل وهزم
وبكي اميليانوس وقال اخشي وانا انظر لحضاره السبعمئه عام ان تنهار حضاره روما يوما هكذا وامر جنوده بحرق المدن
وانتحر حنا بعل بعد هروبه لعشره اعوام وتعقب اميليانوس له انتحر بالسم لما علم باقتراب الرومان
مهما سمعت يا نور عن قواد عظام زي يوليوس قيصر او تحتمس الثالث او الاسكندر الاكبراو جنكيز خان او خالد ابن الوليد او نابلوين بونابرت او نيلسون او روميل او عبد المنعم رياض او منتجمري
عمري ما حشوف زي حنا بعل
تعرفي
في المراجع الاجنبيه العسكريه بيدوا لكل قائد حاجه اسمها الماستر بلان او الخطه الام اللي بيتميز بيها يعني
زي سيدنا خالد ابن الوليد في غزوه مؤته واعظم خطه انسحاب في التاريخ
وزي خطه عبد المنعم رياض اللي متفذتش وهي اروع خطه وضعت لتدمير اسرائيل نهائيا
وزي وزي وزي كتير
الماستر بلان بتاعه حنا بعل او هانيبال زي ما بيقول الانجليز
لما استدرك جيش ايميليانوس في معركه علي ارض قرطاج
بين النهر وبين جيشه وبقي جيشه يسيقط في البحر حتي لو مش بيموت
وانسحب ببعض جنوده ايميلانوس بشق الانفس
معلش طولت عليكوا بس بعشق الراجل ده[/align]
|