هى فعلا مهزلة يا محمد واكيد مقصودة

تعرف ان فيه طالبه فى تانيه ثانوى يوم التفاضل والتكامل استاذنت من اللجنه ونزلت على انها رايحة دورة المياه
وهى نازلة اساسا علشان تتصل بمدرس المادة من المحمول بتاعها طبعا فى دورة المياه واتصلت به وعرضت عليه الاسئلة وقالها هرد عليكى بعد نصف ساعة وطبعا من صعوبة الاسئلة المدرس معرفش يحلها
والبنت منتظرة لحد ما ضاع الوقت عليها وفجأة سمعوها بتصرخ فى دورة المياه صراخ هستيرى وبتلطم خدودها وبتقول بذهول المستر مش عارف يحل الاسئلة .. المستر مش عارف ..المستر مش عارف
وترددها بذهول واغمى عليها وضاعت عليها المادة
وحكايات كتير حصلت لطلبة تانيه وتالته ثانوى يوم الرياضيات
والاغرب هو ان الامتحانات زى ما ذكرت بقت بتتباع ومن السهل الحصول عليها
وبعد الطلبه فى ثانوى بقوا يستخدموا سماعات البلوتوث علشان الغش وتلاقى الطالب حاطط على ودانه شاش علشان يداريها وكمان يعرف يغش
دا غير الطريقه القديمه اللى بيسموها البرشمه او البرشام

فعلا مهزلة كبرى ولا عزاء للتعليم واللى بيتعلموه