منتديات زهرة الشرق - عرض مشاركة واحدة

محمد عطيه · 15-06-08, 09:15 PM

علي ايامي-من تلت سنين بس- كان لما امتحان الثانويه العامه يتسرب لابن اخو صاحب المطبعه السريه مثلا كان يتلغي امتحان فولان الفولاني بالاسم ويخش دور تاني

دلوقتي امتحانات الثانويه العامه في مصر لو حضرتك عايز تشتريها مطبوعه بتلتميه جنيه ومتوفره لدي كافه المكتبات علي راي كتب اخبار اليوم

ولو انت من عشاق انجز بسرعه

حتلاقيهم علي النت بضربه سريعه عالجوجل وتهمل بحث في صفحات من مصر تطلع علطول وتشتري الورقه

بالفيزا كارد

او الماستر كارد

في احلي من كده بالذمه

وبمتين جنيه طالما الطبع علي حسابك

حتقولي فين شرطه الانترنت حقولك الموقع منسوخ منه الاف والاف واسماء كتيره اوي صعب يتعملها كت كلها

مش ده بقي الخبر السئ

اللي يغيظ بقي

ان امتحان رياضيات(2) يجي منه سؤال عن جزئيه بتدرس في اعدادي كليه هندسه

وتلت اسئله منحهم الخبراء درجه (صعب للغايه)

وان رياضيات(1) يجي منها سؤال مش بيطلع ناتج

ده السؤال ب في الجزء الرابع

السؤال ب في الجزء الخامس ده معضله رياضيه لو جدع وربنا خلقلك مخ اخترع رياضيات وحلها

مصر من اصعب دول العالم في تدريس الرياضيات وفي اراء كتير بتطالب بالغاء المناهج اللي عايزه الخوارزمي يذاكرها دي

وانيل من الصعوبه تقوم جايب امتحان تعجيزي

الوزير قال حلغي اسئله ومعرفش ايه

واتعملت لجنه عشان باقي رياضيات (2) الميكانيكا

وعشان باقي رياضيات (1) الجبر

وبيتعرض واضع الامتحانات للمسائله القانونيه القويه لاحراج الوزاره

ياريتها بقي جت علي كده انجلش تانيه ثانوي صعب اوي اوي اوي اوي اوي للطالب الممتاز اللي دارس انجلش بره كمان

حقولكم حكايه لسه حاصله امبارح مسجلها في ورقه اقسم بالله تخيلوا !!!!!!!!!!!!! لانها بصراحه محاضره مش محادثه بين اخ واخته الصغيره

انا اختي في تانيه ثانوي ومن المتفوقين جدا يعني انا ولا حاجه جمبها هي ما شاء الله عليها يعني الناس بتاعه تسعه وتسعين واربعه من عشره والحاجات دي هههههههههههههههههههههههههههههههههههه

لقيتها رجعت بتعيط في الرياضه ورجعت زعلانه شويه في الانجلش

وانا طبعا قايم بدور عمر الشريف في فيلم في بيتنا شيطان ههههههههههههههههههههههههه

بقولها بقولك ايه اجيبلك بالفيزا بتاعه بابا كل الامتحانات - لاحظوا هي بسم الله ما شاء الله متدينه فوق الوصف ربنا يباركلها يارب يارب يارب يارب يارب يارب يارب يارب ويسعدها في حياتها-

قالتلي ااااه عشان يولع فيك

ضحكت وقلتلها لا متخافيش اجيبهملك

قالتلي تخيل ان سيدنا محمد عليه الصلاه والسلام قاعد جنبك وانت بتعملي كبي بيست لصور امتحانات وبتدفع فيها فلوس كتير

(( قولت في سري اوبا ايه الاحراج ده هههههههههههههههههه بس فضلت ساكت اتحرجت منها))

قالتلي طب ايه رايك ان ربنا شايفك لما حتعمل كده ومقد ملكين كمان يكتبوا عشان ميبقالكش حجه

( عارف الكلام ده زي اسمي بس كاني بسمعه والله العظيم لاول مره وفضلت ساكت ,, اساسا ارد اقول ايه)

قالتلي تعرف يا محمد

ها

قالتلي الشيخ الشعراوي مره واحد في المنطقه بتاعته سرق من حد ميه الف جنيه وقتل صاحبهم المهم خد اعدام فبيسالوا الشيخ الشعرواي في درس الجمعه

قالهم الميه الف جنيه رزقه بالحلال لكنه تعجل رزقه بالحرام فكان حرام

اهو اللي بيسرقوا الامتحانات دول هما رزقهم كليات القمه بالحلال لكنهم تعجلوها بالحرام فكان حرام

ربنا بيقول في القران ايه يا محمد

قولتلها ايه -بصوت المنصت اوي-

قالت
(ويحذركم الله نفسه )

( وحياه ربنا لولا اني مش بعيط قدام حد كنت عيطت بس حسيت بقشعريره جامده في جسمي وفضلت ساكت برضه تخيلوا محمد عطيه مش بيرد ههههههههههههههههههههههههههه )

قالتلي غير كل اللي فات الانسان ليه قدر يعني انت ممكن تخش كليه الحقوق عشان تقابل حد تشتغل معاه وتقابل واحده تتجوزها وكده الحياه سلسله

مخدتش بالك قبل كده من الايه اللي ربنا بيقول فيها لسيدنا موسي عليه السلام (وقتلت نفسا فنجينك من الغم وفتناك فتونا ثم جئت علي قدر يا موسي) ولا بتعدي عليك كده

معني الايه ان سيدنا موسي عليه السلام قتل واحد مصري عشان يهرب في سيناء عشان ربنا يكلمه هناك في جبل الطور

قالتلي اهو انا برضه ممكن سعادتك تجيبلي الامتحانات واعتب مذاكرش او اذاكر وتروح عليه نومه او اذاكر واروح احل والورقه تضيع !!

مش حتهرب من قدر الله يا محمد ومتخليهوش يعجل رزقك باللي مش حلال

- هي حنينه فوق الوصف وطيبه موت لقيتني يا حبيبتي محرج بقي وزعلان من نفسي تخيلوا تعمل ايه-

قالتلي بس تعرف انت طيب اوي وعندك ايثار جامد

اتفاجئت بقي يعني بعد بالهدله دي ومش عارف ارد عليكي

قولتلها ليه

قالتلي طيب لانك كنت حتتعب نفسك بمساعدتي وكان ممكن تكبر دماغك

وعندك ايثار عشان عايزني ابقي احسن منك واجيب مجموع اكبر منك وادخل كليه الطب اللي نفسي فيها

ضحكت بابتسامه خفيفه وبصراحه روحت حضنتها وطبعت قبلها علي جبينها قولتلها - حهزر بقي كالعاده- انتي عمل امك وابوكي الطيب وانا الشئ اللي ربنا بيكفر عن امك وابوكي سيئاتهم بيه هههههههههههههههههههههههههههههههههههههه

ضحكت وراحت اوضتها تذاكر

هي دي العيال ولا بلاش مش انا ههههههههههههههههههههههههههههههههه لا واللي يغيظ مبحبش اغشش هههههههههههههههههههههههههههههههه

ايه رايكوا بقي في موضوع الثانويه العامه اللي جديد عالاخر السنه دي