روحت ادور ع الكلام
اللي اقوله ف يوم فراقي
ساعتها قالت كل كلمه
الفراق لأ .... انت باقي
اوعى تبعد عن حبايبك
اللي وقفوا في يوم معاك
هوه هان الحب عندك
لما تظهر يوم جفاك
لاقيت دموعي بتجري مني
وزهور غرامي جات تلومني
غصب عني مش بخاطري
في يوم حفرت بايدي قبري
حسيت بلحظة حزن عدت
وجت لحدي اقيتها هدت
سألت نفسي دي عايزه ايه
لاقيت الامي ساعتها جاوبت
انا قولت آه ومسكت جنبي
وجريت واداري المستخبي
لاقيت الامي شيء رهيب
حاجات بيبكي عليها قلبي
لكني راضي بالنصيب
الموت عليا في يوم قريب
ماهو كاس ولازم نشربه
حتى لو مر وغريب
المهم انا عندي كلمه
اكون معاكم ذكرى حلوة
وان أسأت لحد منكم
او نطقت بكلمه مره
تغفروا لي اللي عملته
يمكن نهايتي قبل بكره
والنهايه رايح اقول
انتوا اولاد الاصول
وانت باخويا وانت يا أختي
انتوا فعلا زي اهلي
واسمحوا لي من غير فضول
اكتب وداعي بخط ايدي
الحبر هوه دموع عنيا
ودم يجري في وريدي
وأقول ياربي رحمتك
وانعم عليا بنعمتك
وسامحني عن كل الخطايا
وأكتب لي ادخل جنتك
ياااااااااااااااارب
حسني جاد
رحمك الله يا احن اب واسكنك فسيح جناته
|
رحمك الله يا أحن وأغلى أب وأسكنك فسيح جناته
فنحن لا نكن لك سوى كل الحب والتقدير لك أيها الغالى على قوبنا جميعا
اللهم يا رحم الراحمين
ارحمه واجعل قبره روضه من رياض الجنه واسكنه
جنات تجري من تحتها الانهار خالدا فيها
والهمنا وأهله وذويه الصبر والسلوان