جـاي تسألنـــــي لســـــــــه بحبـــك
قبــــل ما اجــــــــاوب اســأل قلبـك
وان ماقـدرتش تعـــرف حاجـــــــة
يبقــــــى الواجــب إنـــــــي اقـولك
أيـــــــــوه ياسيـــــدي والله بحبـــك
بس باتــوه واحتــار من ظلمـــــــك
شفـت معــــاك أحـــــــــلام وأماني
وبرضو شربت كاسات من صــدك
كنت بشــوفــك مالقاش قلـبـــــــــي
وانســـــــى الدنيــا لمـــــــا بقابـلك
بــس الاقيــك أيـــــــام بحـــــــالات
واشعـــــــر فيهـــــا بتغيير طبعــك
القــــــى ساعتهـا القـلب يخـــــاف
والقى الروح مخطـــوفة ف قـربك
قـــــول ريحنــــي دا يحصـــــل ليه
وانـــا باتمنى أكــــون مخلصـــــلك
قــــول دا الفكـــر شاددنــي اليـــــه
قـــول علشــــان القلــب يسامحــك
قــــول علشـــان اتمســك بيــــــــك
عايــــز اتأكـــد وانا بسمعـــــــــلك
وابعــــد ظنــــي وشكي واعيــــش
كل ايامــــي ياروحـــــي بـــــــودك
قـــول حسسني ان انت عايــــزني
قــــول خليني تماللي افرح بـــــــك
اصـــــل الناس يامــا قالـــوا عليــا
عايزيـــن دائمــــا أرفض حبـــــــك
ليه نشمتهـــــم فيــــا وفيـــــــــك
ليه نضحكهم وانا مخلــــــوق لك
لأ تعلالــــي ونثبـــــت ليهــــــــــم
إني تماللــــي باعيش مغــرم بـك
نلقى الحـــــــزن ياعيني واخدهــم
ويـــــدوم فرحــي كمان ويدوم لك
عايــــز أكتـــر من ده جــــــــواب
قول انا عندي كتير و ح اجاوبـك
أصلي خلاص سلمتك قلبـــــــــــي
جــــــــاوب يالا وح اسمـــع ردك
أشعار
حسني عبدالله جاد
عاشق الورد