|
نظر عيني
[align=center]يا نظر عيني
لاعاد تجرح شعوري يانظر عيني
دخيل عينك عيوني لاترقها
شوف الغلا ورد في يسراي ويميني
غرب بنفسي على شانك وشرقها
عز الله ان الغلا ما بينك وبيني
روحي وروحك عسى الله لايفرقها
اعشق عيونك ونظره منك تكفيني
يا بعد عمري حبال الود وثقها
ناظر بعيني ولاحظ رعشةيديني
غلاك حتى عروق الدم شققها
لو كنت تدري بشي فيك يدعيني
مالمت نفس غريب الحب طوقها
يا جارح القلب لو مره تراضيني
بعض الاماني دخيل الله يحققها
كم لي وكم لي ونار الحب تكويني
ماطلت قربك ونفسي البعد حرقها
اصبر واقول لو ساعه تجافيني
اموت والروح هجرانك يمزقها
والي بعدها دخيلك لاتخليني
كلمة حبيبي على شاني تذوقها
اي والله انها تموتني وتحييني
عساك تسلم حياة الشوق نسقها
حرام تجرح شعوري يانظر عيني
دخيل رمشك رموشي لاتغرقها
منقول
سلام العبيدي[/align]
|