|
رد: ** اخبــار البيبسى والكولا **
سلام عليكم موني
اولا جريده المصريون دي رغم اني عمري ما شفتها وانا مدمن جرائد معارضه لكن شاكلها جريده صفراء
ما علينا هي زي ما انتي بتقولي في جريده امريكيه بارزه نزلت كل ده عن العرب ؟؟؟؟؟؟؟؟؟؟؟؟؟؟؟
ان علي فكره بقرا النيوز ويك علطول وايه الشرق الاوسط كمان وعمري ما شوفت اهتمام كده
عايز اقولك علي حاجه دي اسمها نظريه المؤامره
وناس تقولك بيبسي اختصار ادفع جنيه واحد لصالح اسرائيل هههههههههههههههههههه في حين ان اسرائيل معموله سنه 1945 وبيبسي معموله 1917 سبحاااااااااااااااااااااااااان الله
وناس تقولك اقلبي كلمه كوكا كولا في المرايه حتلاقيها اختصار لا مكه لا محمد
وبعدين شركه زمزم الايرانيه دي ما هم اعداء وانيل من الامريكان كمان
وفي ناس بتقول ان الشركتين بيتبرعوا لاسرائيل لا حول ولا قوه الا بالله دي شركات راسماليه بعينها يعني معندهاش قلب خالص ومش فاتحينها للتبرعات
نقطه تانيه اي شركه عربيه من دول لا تتبع الشركه الام اطلاقا
اقرائ علي اي عبوه في اي بلد عربي حتلاقي مكتوب بتصريح من شركه بيبسي بتصريح من شركه كوكاكولا
التصريح ده بس اللي الشركه الام بتاخد عليه عمولتها وده بس حلقه الربط بينها وبين الشركات العربيه مع طبعا معايير الجوده
اما الشركات فمن اصغر عامل نضافه للتشير مان فهما عرب يعني المقاطعه بتضر العرب اكتر ما بتنفعهم
ايه بقي اللي امريكا تفرد للشركتين (ولاحظي ده اعلان في صحيفه كمان) صفحه تتحدث عن حروبهم الاقتصاديه في منطقه العرب
معلومه صغيره ليكي الصحف الامريكيه الكبري غير المحليه نفسها لا تتحدث في الشؤون الخارجيه لامريكا الا بنسبه 1% العالم بالنسبه للامريكان هو امريكا وتمانين في الميه من الشعب الامريكي واتحدي اديله خريطه وقوليله علم علي المنطقه العربيه لو عرف
اختي احنا مشكلتنا كبيييييييييييييييييييييييييييييييييييييييييييييره اوي علي تلم بها زجاجه بيبسي
عايزين نعمل سلاح عايزين نتوحد عايزين نبنبي جيش
ارجو انك تتقبلي نقدي وان عارف انا طريقتي لاذعه في الكلام بس بصراحه خوفي علي امتي العربيه خلاني اتكلم كده
بوركتي اختي وتقبلي مروري
|