|
رد: افلام زمان برؤية روشة (( الناصر صلاح الدين ))
ماقبلة
مشهد اخر
--------------------
(( معسكر الفرنجه ))
(( نهار خارجى ))
صوت يسبق حركة الكاميرا ثم كلوز على وجة ريتشارد ))
ولتنزل ضربه الرب علي الخائن ريتشارد لما بلغه اللي هببته لويزا .. لما هربت عيسي علشان تاخد منه باكو شيكولاته وخبت الباكوا عن ريتشارد ومارديتش تديلة حته وطار عقل ريتشارد راح فين راح فين (( لاعلان الام بي سي بتاع عندما تعشق الشيوكلاته )) وكان ملك فرنسا (( عمر الحريرى )) قاعد يسخن الموضوع وهو بياكل باكوا شكولاته وادعى انه لقاة فى هدوم لويزا الطاهرة ومخبياة بشكل سرى , فراح ملك فرنسا علشان يغيظ ريتشارد اكتر راح حاطتله حتة فى بقة ولما استطعم الشيكولاته واستمخ منها اعد على ركبته واعد يدعى على لويزا الخائنة التى اسلمت اسررار الفرنجة لعيسى من اجل باكوا لبنان شيكلتس .. وكمان كلته لوحدها فى الخباثة من غير ماتدى حد حته منه وهنا تتدخل فرجنيا لابسة بادى استومك وبنطلون استرتش وبتقول احرقوها احرقوها كما تحرقون كل الساحرات احرقوا رمز اللبان والخيانه احرقوا كل مصانع الشيكولاته واللبان ولكن بلاش مصانع البسكويت خلوها علشان انا ليا اسهم فيها هنا تاتى لويزا مكبلة يديها باطواق من معجون الاسنان وفى اقدامها فرشاة اسنان تعذبها كوخز الاشواك وبين اسنانها أداة الجريمة .. لبنان تقوم بفرقعته كالبالون وتقف امام المحكمة ويمثلها ريتشارد وعلى شفتيها أيضا اثارا من بقايا الشيكولاته تقول لويزا مولاى انا لم اخونك ولم افرط فى اسرار المعسكر فانا اعلم انك مصاب بداء السكر البولى وهذا اللبان وهذة الشكولاته ستزيد من ارتفاع السكر لديك وحتى تعلم صدق نيتى وصدق كلامى فقد طلبت من عيسى ان يرسل لى لبان وشيكولاتة دايت لجلالتك (( ريتشارد سكران من قربعتة لزجاجة مانجا ساقعه )) يحاول قيلب اغسطس تسخين الموقف ويثول كذب هُراء نداله فتطلب لويزا فك قيودها وتسرع الى خيمتها وتاتى بالايس بوكس بتاعها وتخرج منه شكولاته ولبان دايت وهنا يأكد ريتشرد من صدق كلام لويزا الطيبة ولكن لويزا تستطرد وتفجر قنبلة وتقول :
لقد راودنى ملك فرنسا عن ..
عن ...
عن ....
(( لااستطيل ان اقول يامولاى ))
(( هنا تشرأب الاعناق لمعرفة تعبيرات وجة لويزا ولكن.......
يعالج ريتشارد الموقف بقولة :
بانه يجب ان تقول الحقيقمة امام الجميع فهذه هى المشيئة
فتقول انه كان يراودها عن الشكولاته واللبان مقابل منحها مصاصة لولى باب وباكو عجوة باللوز يسجد ريتشارد ليقول الكل باعك الكل خانك من اجل من اجل الحلوى فاللعنة على الحلاوة والحلاوانية كلهم ويصدر الحكم بالبرأة لصالح لويزا وتذهب الى دور العبادة وتعتكف وتذهب اليها فرجينيا نادمة وتوجه كلامها الى لويزا ايتها الاخت لويزا الطاهرة عايزة اعترفلك انا كان نفسى فى جوز زى صلاح الدين او عيسى العياط بدل رينوا اللى مات لى من اول الفيلم ورملنى بدرى بدرى وخلى كل واحد طمعان فيا شوية علشان الكام قرشين اللى لمناهم من دكانت الطرشى اللى كنا فتحنها زمان قبل ماربنا يفتح لينا ونبقى ملوك الكارك والكام بيت اللى آيل للسوقط اللى ورثتهم من ابويا (( فرجينا فى الكنيسة تعترف امام الاب لويزا الطاهرة ))
مشهد اخر
--------------------
سياده القائد صلاح الدين وزير فرنسا(محمود المليجي) باعت بيقول انه حينسحب هو وجيوشه بالحمير بتاعتهم من ساحه المعركه ويترك لنا ظهر ريتشارد فاضي من غير هدوم ولا سلاح علشان ياخد برد وتكسبو المعركة
احمد مظهر : ((واعمل ايه بضهره هو انا كنت اخدت حاجة من وشة لما يدينى ظهرة ؟؟))
الجندى حامل الرسالة :
يعني سعادتك مقابل اننا نسيبله كام مدينه علي الساحل الشمالي بتاع مصر
احمد مظهر : لا يمكن ابيع مارينا ابدا لان انا بصيف فيها لكن ممكن نديلة فى العاشر من رمضان او الرحاب وممكن يحجز فى مشروع مدينتى لكن هو طالب ساحل لبنان يا مولا ى ...
ثم يستترد معقبا وموجة كلامة للرسول :
انك بطلبك هذا تؤدي بنفسك وبمن حولك الي الهلاك ولبس المايوهات ذات القطع واللى من غير قطع
حامل الرسالة من جنود صلاح الدين :
بس بصراحة هى فكره قشطه وبيني وبينك انا معاك بس فكك منه دا ممكن يكون فخ يا برنس حنعمل ايه ساعتها..... ماشى يانجم ؟؟؟؟؟؟؟
صلاح الدين : بقولك ايه اصرف نظر الواد دا باين علية حواره فكسان وشكل كلامة كدا امان يالاللى جيبلي بقي المايكت الخشب والعساكر البلاستيك عشان نعمل الخطه وماتنساش الصلصال علشان نبنى الحصون بتاعتنا
مشهد اخر
في معسكر الفرنجه الحال لم يكن أد كده من ثانيه راس المسيح يباع بقطع من الفضه ......
ريتشارد يقول :
يقول .يهوذا يبعث من جديد
يرد علية ملك فرنسا :
يا عم ماتعيش الدور بقي ده احنا متبهدلين ومتقطعين من الاول وساكتين بسببك متفوووووووووووق يا سيدنابقى بلاش تعملي فيها عزت العلايلي في فيلم الارض
ريتشارد يرد :
يعني ده مبرر عشان تبيع القدس ياملك فرنسا
ملك فرنسا :
اهو احسن متتاخد من غير فلوس ونطلع من المولد دا بلا حمص ولا حتي ملبس .... بقولكم ايه متوجعوش دماغنا انا راجع بكره بمتروا الانفاق .. فيه حد هيرجع معايا ... ولا هترجعوا اوتوبيسات ؟؟؟
ريتشارد :
سكتك خضره يامعلم فرنسا وخش على الطريق الزراعى وعلى اليمين اركن لك شوية الي يعني الواد كان مقطع العرب .. واحنا هــ حنبوس رجله علشان يعد بلا نيله دا انت منتش فالح فى حاجة خالص غير عمايل نسكافيه بس ومص القصب واكل البرتقان ابو سُرة (( يوجة كلامة للجنود ))
يا رجاله اللي عايز ينسحب معاه ينسحب متفلقونيش انا بقي حجيب القدس بطرقتى الخاصة واحلق فردة شنب لو ماعملتها لوحدى ياواد ياانطونيو غيرلى الحجر بتاع الشيشة وهات ولعة خلينى اشد نفاسين اعدل بيهم الطاسة واعمر الدماغ
|