|
رباعيات المصرى
[align=center]
رباعيات المصرى
=========
عيون بريئة فيها الجمال والحب
لكن تعيسه من تلال الغدر
تشوف فيها عبيرالورد
ماتقلش قمر فى ليلة بدر
**************
وعيون جريئه فيها بحور الهجر
كل يوم تشوف منها صنوف الغدر
تقول لك كلام ماله حد
وتعيش أيام مابين الهزل والجد
**************
تطير بك فى سما المجد
وتحس انك ملكت الغد
وضحك لك فى النهاية البخت
اتارى اللى سمعته كان هزل
******************
عمرها ماكانت يوم ابدا جد
او حست بمشاعر الوجد
ونار الشوق ولهيب الهجر
اتارى طبعها كله غدر
*****************
خبّطت على كل باب
خرج لى من جوه البواب
ماسك فى ايده الجواب
عرفت من عنوانه الجواب
*****************
وصالك كان كل احلامى
ونور ايامى وكل زمانى
معرفش امتى وازاى جانى
ضيعته ليه وكنت عليه جانى
******************
مابقتش عارف مين فينا الجانى
دا انت فى حبك كنت انانى
يقول دا شوقك اصله جانى
انساه سنه ... يرجع من تانى
**************
عصفور فى السما حيران
من صنف الغدر اهران
شافها تانى قال دا حبى ألاولانى
اتاريه خيال وحبه بقى محال
*******************
وحشنى والشوق إليك غلاب
والقلب بينده عـ الاحباب ـ
والليل بيطول عـــ العشاق
اعطف باللقا علـ المشتاق ـى
********************
سفر الحبيب ولونه يطول
ويفضل له الحنين على طول
حافظ مكانه بين القلوب
مهما سافر وعدى الدروب
***************
ياللى شاهر سيف الحق
ليه دايما بتبعد عن الحق
وتحييد بحكمك عن الجد
ارجع للاصلك يتكتبلك المجد
*****************
يتكتب عنك كلام فى التاريخ
يوصل صيته مع الريح
يداوى علة كل جريح
دا كلام الحق أصله مريح
**************
شاف الطبيب علتك قال مالها دوا
اللى جرح قلبك كان حكيم فى الهوا
صاب عين قلبك بنار الجوى
ومنع عنه نسيم الندى
******************
بوسه منك كانت تشفيه
حضن واحد كان يداويه
نظرة عين كانت تحييه
حب قلبك كان يكفيه
*************
ماعلى المحب ملامه
ولا على العاشق ندامه
دا قلبى بيدعيلك بكل سلامه
ياللى حبك شرف وعلامه
*******************
حبك هو اللى حمانى
بستناه كل يوم بالامانى
واحفظة بين رمشى وايمانى
فداه كل عمرى وايامى
*****************[/align]
|