الاخوة والاخوات زائرى هذة المنتديات
طبعا من اسمى عرفتوا انى ربما اكون زائرة عابرة لفت انتباهها هذا الذى تسمونه فضفضة انا لست من محبى النت ولا اللى بيحدفة النت انا بس كنت بتفرج واستقزنى ما كتب من اسرار الناس والردود اللى جت علية ولعلمكم انا اعتبر النت بوابة جهنم
وما لفت انتباهى كلام الاخت ميرا والمدعو المصرى وكذا الاخت المحامية لما والموكلة عن الاخ المصري وما يذهلنى من ردهم على الاخت مهمومة والثورة العارمة ضدها لصراحتها معكم جميعا مع العلم انها لم تسىء لاى منكم كل ما كان منها انها كانت اول صريحه اقابلها علي النت
هل اخطات ان لامت على الاخت الجريحة بانها لابد وان تكون حريصة مع امثالكم من زبانية جهنم ايها الاخت الجريحة الحقى نفسك وعودى لاولادك( واضح انهم مش على بالك خالص......مش بالكلام بس .........ارجو المعذرة) مش علشان خسروا اب مراهق تضيع منهم امهم كمان حللى مشاكلك بنفسك مش بنشر الغسيل اما بقى الحلوين رما ....اسفة اقصد لما بدل ما تهاجمى واحدة بتنصح علشان بتتكلم بصراحه كنتى انصحى الاخت ميرا من اللى بيصيدوا فى المية العكرة احنا المصريات اللى زى ما بيقولوا عليهم رجالة وقت الجد والزنقة بنعمل كدا لما بنلاقى واحدة بتغرق وانت ايها المصرى الشاعر الحساس بائع الكلام المعسول كون اسم على مسمى عارف يعنى اية ؟يعنى كون مصرى اصيل. فين نخوة الرجالة!!!!!!! لما تسيب زميلة الدراسة تقع فى الهوة العميقة اللى مالهاش قاع انصح زميلتك و اختك ايها الرجل الشرقى بالعودة الى اللة والاستعانة بة على البلاء .
اماانت ايها الزوج العاشق افق قبل فوات الاوان ابحث عن زوجتك قبل ما يلاقيها الصياد ......علي فكرة انا مش رجعية ولا متخلفة علشان باقول على النت بوابة جهنم وانما فى الحقيقة النت فقد احترامى لما خرج عن رسالتة المنشودة لما بقى شبكة وشرك منصوب لكل ضعيف نقس .
كل من يستعين بالنت فى الحديث عن نفسة فهو كاذب لو كان صريح وبيقول الحقيقة ما كانش اختبأ وراء مشربية النت الزائفة .
علي فكرة انا متزوجة علشان كدة اللى باقوله للاخت ميرا بعد ما وضعت نفسي مكانها وربنا يكفينا جميعا الخيانة .
يا رب كلكم تقرؤا كلامى للاخر وافهموة كويس وكونوا صادقين مع نفسكم جميعا وكفانا وكفاكم شر النت وبلاوي النت