|
رد: انت فى السجن مع ابو نواس
يافتاح ياعليم يارزاق ياكريم
ابو نواس ... ابو نواس
هوه الراجل فين
منك لله ياحمد يامصري انت مقعد الرجل وطافي عليه النور ياظالم
ابو نواس
هوه :
مين اللي جاي داي كمان ماكفاية قرفتوني
أنا :
لالالالا انا عاشق الورد تسمح لي بالإقامة معاك لمدة يوم
هوه :
وانا بإيدي حاجة اتفضل ياسيدي
أنا :
شكرا
أهلا يابو نواس أهلا ياراجل منورنا ف زمانا المر ده
ازي أحوالك عامل ايه وياترى الجماعة هنا بيأكلوك
قوللي واحكيلي عن حالك
انتظر منه ان يقول كلمة مافيش ابدا ساكت حاطط ايده على خده وفكرني بأمير الشعراء احمد شوقي
سالته انت مابتردش عليا ليه
هوه :
طيب وانت عايز مني ايه اكيد حتطلع زي اللي سبقوك كل واحد رمى حمله عليا وسابني ومشي هوه انا ناقص ... ياعم ريحني انت كمان وبلاش خوته
أنا :
لا لا لا .. لا يابونواس انت واخد عني فكرة غلط
انا شاعر زيك حاسس بيك وبعذابك وانت مسجون وجاي اعيدك لذكرياتك لأني سامع عنك ان انت كنت ابن حظ بالرغم من أني ماقريتش ولا بيت شعر من بتوعك ،وانا دلوقتي جاي اعرض عليك قصيدة من اللي انا كاتبهم يمكن ترجعك لحالتك الطبيعية وتشاركني بقصيدة من قصايدك
هوه :
طيب ياسيدي سمعنا قول واما نشوف سنوصل معاكم لحد فين
أنا :
أكرم بهـذا الحســــــــــــــن من ربي
واشهد بصنع الله في القــــــــــــــــدِ
واطرب إذا جاءتك فاتنـــــــــــــــــــةٌ
فامسك وداعب راحة الـــيـــــــــــــدِ
وانظر مليء العين مقلتهــــــــــــــــا
فالبحـــــر في جزر وفي مــــــــــــدِ
واعلم إذا انسلت مفاتنهــــــــــــــــــا
تمت شهيد البـــــرق و الرعــــــــــد
هوه :
استنى استنى الله والله زمان يسلم بقك ياعاشق
أنا :
القصيدة لسه ماخلصتش خليني اكملهالك
هوه :
لأه أصلك فكرتني بقصيدة كتبتها في وصف رومية وبقول فيها :
ابصرت في بغداد رومية ... تقصر عنها كل أمنية
قصرية الطرف شامية ال ... خلوة في نكهة زنجية
صدغية الساقين تركية ال ... ساعد في قد طخارية
هندية الحاجب نوبية ال ... فخذين في زهو عبادية
حيرية الحسن كيانية ال ... ارداف في الية عاجية
أنا :
بس بس بس الله يخرب بيتك
دانت تستاهل قطع رقبتك
هوه ده كلام برضو ياراجل
انا بقولك أكرم بهذا الحسن من ربي
وانت بتقول لي كلام فارغ وبالمفتشر كده عيني عينك
هوه :
ياسيدي انا قلت إنني حاخد راحتي معاك في الكلام بما اننا احنا الاتنين شعراء وافضفض لك كل اللي ف نفسي دول كاتمين على نفسي واللي زاد وغطي الجماعة اللي جم قال يونسوني طلعوا انهم بيعقدوني ورفعوا لي الضغط وجابوا لي السكر والروماتيزم واللمباجو ... ايه هو صحيح اللمباجو ده ماكانش عندنا ايام العباسيين
أنا :
اعتقد ان اللمباجو ده حاجة بتتاخد بعد الأكل ثلاث مرات وبعدها تتوكل على الله .. ياعم سيبك من اللمباجو وقول لي ايه البجاحة دي ... كل أشعارك كده؟
دانت مصيبتك سوده اسمعني بقى وماتقاطعنيش خليني اكمل الكلمتين واروح لعيالي
هوه :
طيب كمل
أنا :
أكرم بهـذا الحســــــــــــــن من ربي
واشهد بصنع الله في القــــــــــــــــدِ
واطرب إذا جاءتك فاتنـــــــــــــــــــةٌ
فامسك وداعب راحة الـــيـــــــــــــدِ
وانظر مليء العين مقلتهــــــــــــــــا
فالبحـــــر في جزر وفي مــــــــــــدِ
واعلم إذا انسلت مفاتنهــــــــــــــــــا
تمت شهيد البـــــرق و الرعــــــــــد
والحظ عشيق الحسن مبسمهـــــــــا
فإنه الياقوتُ الأحمـــــــــــرُ الـوردي
فهات زهورَ الفلِ واعقدهـــــــــــــــا
وأهدها بما سورت من عقـــــــــــــد
تأتيك نبعُ الحسنِ مُشرِعَــــــــــــــــةًً
فأقبل فحبك شب في المهـــــــــــــــدِ
دع عنك حزن القلب والشكــــــــوى
دع عنك نار الشوق والوجـــــــــــــدِ
واكتب حروف العشق أغنيــــــــــــة
وانشد كلاما من حــلا الشهــــــــــــدِ
وانح بنفسك عن كل لائمـــــــــــــــة
وصروفِ دهرٍ أو ذوي الحقـــــــــــدِ
واهنأ بكأسٍ ملــؤه النشـــــــــــــوى
من صدق قول أو نعمة الـــــــــــــردِ
وانأى بفكرعن كل شائبـــــــــــــــــة
واقطف لنفسك من سنا الـــــــــوردِ
وضع لذاتك حدا لا تُجـــــــــــــــاوزه
واحفظ لسانك من لفظة تــــــــــردي
وإن حدثت قوما كنت تعرفهـــــــــــم
فافرق هزيل القـــــولِ و الجــــــــــدِ
واهنأ بضوء الفجر مبتسمــــــــــــــا
وانسَ ليالي الهـــــــمِ والسهـــــــــدِ
ترى الأنسام جاءت مهللــــــــــــــــةً
فاقبل وداعــب ليس من صــــــــــــد
وادنُ وقبل عطرها فرحــــــــــــــــــا
تجد حياتك نبعا من السعـــــــــــــــدِ
ياعاشقا فاهنأ غير منتسيـــــــــــــــا
شكر الإله واكثر من الحمــــــــــــــد
خلصت القصيدة
هوه : ـ
الله بصراحة اشجيتني وأخرجتني الى عالمي من جديد
أنا :
صحيح انا مش هاجي جنبك حاجة بس بصراحة كلامي يضرب كلامك بال .... ؟
وياريت ربنا يهديك وتقول كلام الواحد يطمن له
هوه :
ماشي ياسيدي عشان طيبتك انا ح اقول لك قصيدة على كيف كيف
اسمع ياسيدي : ـ
إذا ابتهلت سألت الله رحمته ... كنيت عنك وما يعدوك إضماري
أحببت من شعر لبشار لحبكم ... ميتا شغفت به من شعر بشار
يارحمة الله حلي في منازلنا ... وجاورينا فدتك النفس من جار
ايه رايك ياعاشق جات على هواك
أنا :
الله هوه ده الكلام اللي يخش العقل ويسلطنه واكيد انت بتقصد بشار بن برد
هوه : نعم هو بشار بن برد
أنا :
طيب يابو نواس النوم غلبني ويومي خلاص انتهى وانا كنت اتمنى اقعد معاك يومين تلاته بس العيال وام العيال دول مسئولية كبيرة
هوه :
تصدق ياعاشق انت خليتني ف عالم تاني عالم حسيت فيه بالأمل
أنا :
ربنا يفك ديقتك وتقضي مدتك على خير مع اني عارف ان سجانك احمد المصري ده عنيد ماهو اصله فرعوني مش حيرضى يطلعك وعلى العموم انت منورنا وأي حاجه قول لي عليها وانا تحت أمرك
مع السلامه يابو نواس
هو :
متأثرا مع السلامة ياعاشق
وبهذا انتهت إقامتي مع ابو نواس واري ادخال هيام 1 مع ابو نواس مع ترك باب السجن مفتوح والحراس مفنجلين عنيهم ومخليين بالهم منه
لالالالالا استنوا الراجل ده عينه زايعة على الستات وبعد اللي سمعته منه أنا اقترح دخول أحمد المصري معاه مرة تانية هوه يشوف له صرفه معاه
 للجميع
محبكم
عاشق الورد
التعديل الأخير تم بواسطة عاشق الورد ; 20-05-07 الساعة 06:51 PM
|