الموضوع عباره عن وصف لأحوال المرور في شوارع القاهره بشكل ساخر
وارجو ان ينال اعجابكم
القاعدة رقم واحد
لو عربيتك كبيرة او قديمة استخدم مبدا : الى خايف على عربيته يوسع!!!!!!!!
ملحوظة:ابعد عن سكة العربيات المخرشمة بيسوقوا بنظرية ضربوا الاعور على عينه!!!!!!!!!
ــــــــــــــــــــــــــــــــــــــــــــــــــ ــــــــــــــ
القاعدة رقم اتنين
البوز (يعني مقدمة السياره) بيز : الي يدخل ببوز عربيته الاول للتقاطع هو صاحب اولوية المرور !! احرص على ان تكون صاحب اول بوز.
ملحوظة: لا تطبق البوز بيز مع اى لورى او اتوبيس , حرصا على بوزك لا مؤاخذة .
ــــــــــــــــــــــــــــــــــــــــــــــــــ ـــــــــــ
القاعدة رقم تلاتة
الإشارات تكشف نواياك لاعدائك اياك ان تستخدمها.
ــــــــــــــــــــــــــــــــــــــــــــــــــ ـــــــــ
القاعدة رقم اربعة
لا تترك مسافة للامان بينك وبين السيارة التي امامك فهذا له عدة مخاطر:
اولا: عربية تانية حتملا الفراغ في ثواني وبرضه مايبقاش في مسافة بينك وبين الى قدامك، كل الى كسبته انك اتاخرت لورا شوية
ثانيا: هتدي فرصة للعيال يعملوا غرز قدامك
ثالثا: كل المشاه هيغمضوا عينهم ويعدوا من الحتة دى
رابعا: الي وراك هيقعد يزمر-لو كان مؤدب- او تسمع شوية اسامي حيوانات لو كان سواق تاكسي مؤدب او حيخبطلك من وراك لوكان سواق ميكروباص ودول مفيش حد منهم مؤدب.
يتبع