غريبه يا بابا
ما كتبتلكش من زمااان
وقلت لك على الجديد والى كان
تعرف يا بابا
ماما النهارده عملت ملوخيه
وريحه الطشه ام تقليه
ملت البيت عليها وعليا
نفتكرك فى كل لئمه وملعقه وشربه ميه
وحشنى يا بابا بصحيح
وموتك عمره ما خلاك بعيد
فاكر ايام المذاكره والضرب
والشخطه الى كانت تجبنى الارض
عارف يا بابا وحشنى ايه
وحشنى صوتك ...وحنيتك وكلامك
وحشنى امنك وهدوءك وسلامك
وحشنى كلك على بعضك لاخر حد
تصدق يا بابا
ماما لسه بتتكسف وتدراى حبك
ولو ضغطت عليها تدمع وتسيح عيونها
فاكرنى يا بابا
ده انا سوسو ستهم وتاج راسهم
كبرت يا بابا و طولت و اتغيرت
و اياك تفكر انك ممكن تشيلنى زى زمان
واياك تقول انك مش سمعنى فى مكانك الان
واياك تقول انى مش و حشاك
وحشنى يا بابا بصحيح لاخر حد
تقبلوا تحياتى