مصعب
كل عام وانتو بالف خير وكل الاعضاء بخير يا رب
مهو يعني مش معقول يا مصعب يجي العيد واليهود والامريكان ما يعيدونا
بصير؟
عيب في حقهم هيك؟
الله يسامحك
لازم يقوموا بالواجب
وينيمونا في الشارع تحت المطر ويهدوا البيوت فوق روسنا
ويجينا مليون مرض ملعون من رميتهم النا ثلاث ساعات تحت البرد والعواصف
طبعا ولا هم كيف بدهم ينبسطوا؟
كيف بدهم يتسلوا من غير ما يلعبوا بلعبتهم ويعذبوها
صدقني يا مصعب
كل يوم بسال حالي
يا ترى كيف الليلة بدها تكون؟
وين بدنا ننام انا واهلي؟
يا ترى رح انام على فراشي الليلة ولا رح انام في الشارع؟
يا مصعب
احنا بنام وبنخلي ملابسنا جنبنا
عشان اول ما يدقوا اليهود باب الدار نلبس على طول
او على الاقل
احط الحجاب جنبي او اي شي استر فيه نفسي ادام الجيران
انت عارف لو هم دقوا الباب واحنا ما فتحنالهم؟
بتكون مصيبة
اقل شي
بحطوا على الباب قنبلة وبفجروه
اكيد انتو عندكم خبرة ومش بحاجة لاني احكيلكم
صدقني انو العيد عنا كلمة بتجرح
معناها عكسها
اما بالنسبة للحكام
الله يسامحك يا مصعب
انت نسيت انو كل حاكم قبل ما يودعنا بحط (سوبر جلو )على الكرسي؟
شو مالك يا زلمة؟
انت مش متذكر ؟
احكي كمان يا مصعب احكي وخلي سلام يحكي معاك
يمكن تهونوا علينا بمصيبتكم
صدقني وانا بقرا كلماتك انت وسلام العبيدي
بحس انكم عم بتخففوا عن قلبي شوي
انا بستنى منكم ردود تانية
ومرة تانية كل عام وانتو بالف خير
وان شاء الله ينعاد علينا واحنا متحررين والقدس والعراق بايدينا يا رب
احكوا آمين