لولا
مساء الخير حبيبتي
انا اكتر وحدة عارفة شو مالك
واكتر وحدة حاسة فيكي والله
واكتر وحدة فاهماكي
وعارفة شو بدك تحكي
لكن يا ولاء
لما بنلاقي البشر بطلوا يفهموا علينا بصير لازم انو احنا نفهمهم او نعرف عقولهم
عشان نتعامل معاهم
ولو ما بدنا نتعامل معاهم نتجنبهم
عشان احنا عايشين بس مرة وحدة يا ولاء
و هالمرة الوحدة رح تكون بينهم ومعاهم
فاهماني؟
بس مرة وحدة
ليش نقضي عمرنا بالزعل والقهر
واللي زعلونا اصلا مش حاسين بغلطهم؟
احكيلي ليش يا ولاء؟
ليش يا ولاء نسيب اصحابنا الحلوين
وندور على ناس بدهم ياكلوا جلدنا
ليش يا ولاء؟
ولاء
لو يا ولاء صحتنا صارت في النازل ما حدا رح يزعل علينا
لانو هذا كلو من ايدنا
وما حدا ضربنا على شان نزعل وننقهر
يعني اللي بدو يزعلنا يبعد عنا
خلص ما بدنا اياه
صح؟
واللي غلط الله يسامحوا
احنا قادرين نفتح صفحة تانية بيضاء
عشان يا لولا يكون ربنا راضي علينا
لانو مش مهم رضا الناس
ولا كرامتنا رح تكون اهم من انو ربنا يرضا علينا
مش هيك؟
عشان هيك يا عمري المفروض انو نكون احنا عند حسن ظن ربنا فينا
لو الناس هذه ردت عادت اللي فات من تاني
ساعتها بكونوا هم اللي جنوا على حالهم
وبنكون احنا اعطيناهم فرصة تانية وهم ما قدروها
وهيك ما بقدر حدا يعتب علينا
اكيد انتي فاهماني
ما انتي اختي الكبيرة
صح؟
ولا غيرتي رايك؟
لولا لو انا في يوم غلطت في حقك سامحيني وحقك علي
ولو في يوم زعلتك كمان انا اسفة
واللي لازم تعرفيه
انك انتي بالنسبة الي احلا اخت في الدنيا
وانا ما بهمني الا انتي وصحتك يا قلبي
وانتي بالنسبة الي انسانة لسه ما صارت
بس فكري منيح باللي حكيتو
ولو ما عجبك
اعتبريني ما كتبتو
ماشي؟
بستناك يا حلو
توقيع : مس لاجئة
|