اميرة الغلا
يمكن انا اول وحدة في المنتدى كلو لازم ارد عليكي
لكن اعذريني فالظروف ما سمحتلي
بس انا بهنيكي من قلبي على اول مشاركة الك تذكرتينا فيها يا اميرة
المهم
بدي اضيفلك كمان اشياء لعل وعسى تبقى في بال اللي بتذكروا فلسطين
انو في الوقت اللي بتكونوا فيه يا شباب ويا صبايا نايمين في فراشكم ودفيانين ومرتاحين
وطبعا اللهم لا حسد
يمكن احنا بنكون في الشارع عشان اليهود بيكونوا في مهمة رسمية بتفتيش البيوت على واحد من المخربين
ويمكن وانتو عم بتشمو ريحة العطر والورد والمسك
احنا عم بنشم ريحة الموت في الشوارع
ويمكن وانتو عم بتروحوا على الجامعات والمدارس واخر شياكة وما في حدا ادكم
بكونوا اليهود عم بطاردونا في سياراتهم اللي منظرها ومنظر السفلة اللي بداخلها بخوف اكتر من عمايلهم
والله اعلم مين فينا رح يرجع لاهلو
ومين رح يطلع على السما
ويمكن وانتو عم ترسموا قلوب الحب لبعض على الرغم انكم ما بتعرفوا شو يعني حب
احنا بنرسم الشهداء والجنازات والدم والحب كمان
حبنا لارضنا وحبنا للجنة وحبنا لاهلنا اللي في يوم من الايام رح نفقدهم او يفقدونا
ويمكن وانتو في حفلات الليل واعياد الميلاد مع الاصحاب الناعمين والحلوين
بكونو شبابنا عم يتبهدلوا ويتوجعوا من الضرب والالم في نصف الليل
واللي بكون راحمهم شي واحد بس انهم بكونوا مغمضين عينهم عشان ما يشوفوا الة الضرب
او الايدين الحقيرة اللي عم بتكسرهم
كان هذا كلامي بصراحة
ويارب ما يكون تقيل على قلبكم
سلام
وبتمنالك التوفيق بهذا الطريق يا اميرة
توقيع : مس لاجئة
|