الهيتي
ممكن تقبل كلامي؟
انت انسان حنووووووووووووووووووووووووووون كتير
هذه الصفات اللي انت ذكرتها هي نفس الصفات اللي انا بتمناها تصدر عن زوج المستقبل
وبتمنى من حبيبي انو يقرأها عشان يعرف انا شو بدي
وانا كنت خايفة من شغلة يا الهيتي
انو انا كتير حساسة ........مش شوي لأ كتييييييييير
واي موقف ببكيني
يعني بكون عم اتفرج على التلفزيون بلاقوني عم ابكي
سواء بجنازة شهيد او بمسلسل فيه مقطع حزين او مفرح
او في فلم او في افلام الكرتون حتى...........ويمكن تستغرب من هذا الشي
والاكتر من هيك
انو انا بس اروح على عرس واحدة من صديقاتي بصير ابكي عليها وما بقدر اتمالك نفسي
وكل ما بتخيل يوم عرسي انا بصير ببكي على فراق اهلي وامي واخوتي خاصة
وانا بعرف انو في هذا اليوم بتكون كل البنات مبسوطين وفرحانين
لكن انا بالنسبة الي هذا اليوم هو يوم وداع بين البنت واهلها
والاقطع من هيك انو انا رح اصير ببلد واهلي ببلد لانو حبيبي مش من فلسطين للاسف الشديد
وهذا الشي معذبني كتير
وانا مش عارفة اذا كان حبيبي او زوج المستقبل رح يتحمل مني كل هذا الحزن او الدموع
الهيتي.............
انا بحب منك العطف والحنية وبحب اسمع هذا الكلام اللي بطل حدا يحكي مثلو
انا اول مرة بحكي عن عواطفي ويوم زواجي ودموعي الكثيرة
ويمكن تحكي عني اني وحدة نكدية
بس بجد هذا الشي انا كتير بفكر فيه
وحتى وانا عم بقرأ كتاباتك انا عم ببكي
يمكن لاني بحاجة لحدا يمسحلي دموعي ببعد حبيبي عني
الهيتي
يمكن فلسطين واللي بصير بفلسطين خلت الناس تتعود على الحزن لدرجة انهم بطلوا يعرفوا الحزن مثل باقي الناس
لكن بالنسبة الي لا بالعكس
حزني عم بيزيد ودموعي عم تكثر وانا بحاجة لكل طيبة القلب اللي انت عم تحكي عنها
واذا في يوم من الايام رح احس انو حبيبي او زوجي تجرد من هذه الاحاسيس فالبعد بكون افضل النا احنا الاثنين لانو حياتي رح تصير جحيم
انا بهنيك على رقة قلبك وبتمنى انو الحنية ما تنتهي من قلبك
سلاااااااام