|
ساعة الغربة
يتعب الترحال ويذل الغريب
وياحياته شلون اليفارك وطن
شلون حال اللي ترك امه وابوه
وعاف حضن الوالده ام اجمل حضن
امي ياامي يابيت اهلي الجبير
اصفه كل كلوبنة واجمل واحن
امي بالماعون لو مدت الايد
نعمة الله تفيض بكتار الصحن
امي بكرة خيط وتلفنه حنان
والخيوط بغيرهة يدخل غصن
امي ايمان او وفه وصوم وصلاة
امي من يوصلهة خايف يطمئن
امي تعبت لمن سوتنه رجال
وامي رجليهة علينة تفطرن
امي طول العمر مرفوعة الراس
عيونهة ليفوك ابد مادنكن
اذكر امي دنكت من مات ابوي
والشعر شيب والضلوع انحنن
|