ما يهمنيش
إن كنت اموت
أو كنت أعيش
ما يهمنيش
أشرف لى اموت
ولا أعيش مطاطى
ويقولو واطى
خاف الجبان
من مين حخاف؟؟
قلبى الصغير
ده ياما شاف
رعب ف عيون طفل صغير
هناك ف الجولان
وف غزة بنت صغيرة
خايفة تنام
بنغير غطا
يدخل عليها جندى
جبان
زى القضا
يخطف شرفها بين أيديه
وأنا عربى شايفه
ما قلت ليه؟؟
ليه ياعربى تغمض عنيك؟؟
حرام عليك
يسرقو شرفنا من بين أيدينا
واحنا اخدين عل السكات
فين الشرف؟؟
فين الكرامة؟؟
الدم جوه عروقنا نشف
والقلب مات
ياما اغتصبو عرضنا
مع أرضنا
ونقول
ننسى اللى فات
حكامنا عشقو المهانة والذلل
أيه العمل؟؟\
حكامنا عايشين ف القصور زى الكلاب
قافلين على نفسهم بألف باب
خايفين من بركان غضب
يطلع عليهم
خايفين على الكراسى
تضيع من أيديهم
واحنا بقينا زيهم
عشقنا السكات


يايايايايا
مسلم
أفتكر يوم تقابل فيه ربنا
كده زينا
حتقوله أيه؟؟
حتقوله منعت حر من الشهادة
ومن الكلام
حتقوله أيه؟؟
وانت واقف خمسين ألف سنة
بين أيديه
حتقوله خايف م اليهود
حتقوله قسمونا
وفرقونا
ورسموا بينا الحدود


يارسولنا
أشهد عليا واشهد عليهم
وصيتك
انا حطيتها بين أيديهم
يختارو همه ويفرقو
يعيشو على كلمة واحدة
أو خلاص
يتفرقو
__________________

يابلدنا ياعزيزة فيكى حاجة محيرانى
نزرع القمح ف سنين . تطرح الكوسة ف ثوانى