[ALIGN=JUSTIFY]قاعد مرة ف قهوتى
ف أيدى شيشتى
والتانية بتعدل عمتى
بفكر ف العيال وأمهم
ما انا شايل همى وهمهم
العيش بكام؟؟
اللحمة بكام؟؟
واللى مستهوى
واللى مش عارف ينام
م الزكام
واللى بيقول عايز فلوس
للدروس
والتانية تقول
هات أزالو للناموس
والواد الصغير
بقى مدمن عرقسوس
والبنت ما تشربش
غير لبن الجاموس
والبقرى ماله؟؟
يحرق أبو اللى اخترع الفلوس


وانا بفكر فى بلوتى
ولسه أيدى ف عمتى
دخلت عليا مديعة
ست رقيقة
هادية .. وديعة
أسم الله عليها
حيوية وشباب
جتى نيلة ف حظى الهباب


قالت لى قولى
مصر تبقى لك أيه؟؟؟
قلت لها
مصر هى امى
ومبارك يبقى لك أيه؟؟؟[/ALIGN]
مبارك أبويا وحبه بيجرى فى دمى

وفى نهاية اللقاء
عايز أيه م التمنى
ياأبن عمى

بصراحة
أتمنى ابويا يطلق امى

يابلدنا ياعزيزة فيكى حاجة محيرانى
نزرع القمح ف سنين . تطرح الكوسة ف ثوانى