الكاتب الأصلي: لما
يا خسارة يا جارة القمر شو كان على بالي اشوفك ،انا حسيت للحظة انك معي بالجامعة ما بعرف ليش واتمنيت نتواعد على مكان نشوف بعض فيه ونحكي كتير ونتعرف على بعض اكتر، على اد ما كانت مفاجأتك الي حلوة انك من نابلس على اد ما انا بهدا الوقت مقهورة ومش جاي على بالي اني احكي مع حدا،بس بتعرفي؟؟؟هو الحق على خيالي الواسع والتفاؤل الزايد عن حدو بالناس والدنيا .
بس يا ريت نبقى ببالكم وانت مش جارة القمر انت جارة فلسطين وجارة الحزن والتعب والقهر كله.
او انت جارة القلب المجروح وجارة الحب والحياة البعيدة .
انا بعتذر منك لو زعلتك بس انا لما يصير اشي غير الي انا متخيلتو بزعل كتير.
وهلأ سلامي الك ولكل البنات اللي في المنتدى وادعولي لانو بكرة رح يكون علي امتحانين كتيييير صعبين.
انا رح ارجع افتح ايميلي اشوف مين عم بدعيلي غيرك لاني حابة عن جد اتعرف على بنات متلك امورات بس ما يكونو من فلسطين انا مش ناقصة وجع قلب.
يلا سلاااااااااااااااام