الكاتب الأصلي: حياة
كم سرني اللقاء مع شخصية مميزه ورائعه في المنتدى شخصية من اول حضور له كان ملفت
بطريقة وضعه للمواضيع بطريقة النقد الساخر ومواضيعه عن حياة الفرنجه وغيرها من المواضيع
الجاده والفكاهيه ولا ننسى خواطره الرقيق التى تنزف حب ورقه وعتب .
ويسرني ان اوجه له عدة اسئله
الحمدالله عرفنا سبب عدائك للمراه او طريقة حصولك على اللقب هوواحد لابس ابيض فى ابيض على حصان اخضر
ادانى جواب وقالى انت عدوا المرأة وهذة امانة بين اديك ثم اختفى
فانا منتظر عودة علشان اسلمة خطاب الاستقاله
وكل يوم انام واستناة وو مابيجيش
ان شاء الله سيعود وننتهي من هذا العداء وسنرى احمد المصري مختلف وفي صف المراة
خواطرك وكلماتك نشعر ان هناك ماضي حزين ومشاعر لم تكتمل ؟
لو نصبت حاكمًا على مصر ما أول شيء تفعله ؟
انت مع التوريث ولا كفاية ؟
ولنا عودة
|
ماشاء الله
الاخت حياة
لم اكن اعلم انك تابعتى ماكتبتة من البداية
وقد ذكرتينى بموضوعات انا نفسى نسيتها
ونأتى الان الى الجابة على الاسئلة
خواطرك وكلماتك نشعر ان هناك ماضي حزين ومشاعر لم تكتمل ؟
احساسك سليم والاجابة بنعم
لو نصبت حاكمًا على مصر ما أول شيء تفعله ؟
اول حاجة هعمل حفلة اعزم فيها الاهل والاحباب
وبعدين اشفلى عقد عمل بالخارج اكون بية مستقبلى
او اشفلى شغلانة تكسبنى شوية فلوس اعمل بيها ثروة اسبها للابناء بعد الممات وتنفعنى لما اطلع على المعاش
واعيش حياة الاغنياء شوية
اما بالنسبة للشعب فله الله يتولى امرة
وممكن نبقى نبص من وقت لاخر فى بعض مصالحة
بس انا بيصعب على جدا الشباب اللى عايش من غير هدف
فاكيد هشفلة مشروع واعملة بيت يسكن فية وشغلانة تاكله عيش
فواجب الراعى ان يوفر الاكل الوسكن والدابة لمن يعولهم
ونجوزهم كمان مافيش عندنا مانع
بس هبدأ بجواز الوحشين الاول علشان مايعنزوش
وبعدين نشوف بعد كدة البنات الحلوين
انت مع التوريث ولا كفاية ؟
والله انت عايزانى اتكلم بجد ولا بهزار ...؟؟؟
طيب انا هعمل ان انا مش فاهم واجاوب
اكيد ولادى هيورثونى ودة شئ طبيعى
وربنا حكم بان الابناء تورث الاباء
دة شرع ربنا
واكيد فهمتى قصدى
واحنا لازم نتبع الشرع
اتمنى اكون وفقت فى الاجابة واحنا على استعداد لاى اسئلة تانية
احمدالمصرى