|
تذكر
[ALIGN=CENTER]تذكر يوم جيتك برد ابي حظنك يدفيني
_______رجعت وخاطري منك صقيع البرد في جوفه
تذكر ثوره اشواقي ولهفه قلبي وعيني
_____علي شوفك تسابقني خطاوي الشوق ملهوفه
تذكر حرقة غيابك ونار البعد تكويني
________تذكر من علي همه حمل همك علي كتوفه
تذكر كم دعيت الله يحفظ خطاك وتجيني
_______بعيد انته وانا مدري وهمي يصفق كفوفه
تذكر كم سهر طرفي وحار الدمع في عيني
_____وكم لجلك وهن حالي وزهري شانت وصوفه
انا من كثر مااحبك جهلت اللي يناديني
________ومن زود الغلا قلبي عشق زلاتك العوفه
أخبي لك بعض شوقي وادس الورد بيديني
_______لجل مااخترع عالم تحير العين من شوفه
أموت في داخلي واضحك اذا في يوم تلفيني
_______ابين لك فرح وجهي واداري عنك ظروفه
غريبه كيف ما هزه وداع النور من عيني
________غريبه كيف ما زلزل بكايه ارض تحوفه
جمد قلبي علي بابه ووردي مات بيديني
_____رحلت وخاطري منه صقيع البرد في جوفه[/ALIGN]
توقيع : اسير الحب
|