على شاطي بحر ذيك العيون اللي سكنها الليل...نويت انهي علاقة حزن ممتدة لاعماقي
نويت انسى سنين البعد والحرمان والتضليل....نويت اقضي على يأس عميق حاول اغراقي
نويت انسى بك احزان لها في داخلي تجليل.....نويت انسى بك هموم تسعى دوم لعناقي
وابنسى بك ردى وقتي ولاني قابل التأجيل.....وموعدنا على شطك يآخر وابعد افاقي
وابي منك حنان جم لازايف ولا تمثيل.....وابي منك دفا حضن تهادى لاجله اشواقي
وابيك تصير لي قصة بعيدة عن يد التأويل.....يا عمري لحظةغيابك تزيد اعداد عشاقي
ولك مني وفا نفس تحط من الغلا وتشيل.....غلا نفسي لك لحالك ولا عندي احد باقي
يقولون الشعر همزة غرام وهمزة التوصيل.....على شانه كتبتك شعر يبقى حي فاوراقي
كتبتك شعر يا عمري يخجل جملة التفعيل.....اموت ابقى على عهدك مدامك ساكن احداقي
على شاطي بحر ذيك العيون اللي سكنها الليل....نويت انسى بك احزاني وهمومي وعشاقي



للشاعـــــــر// فواز العتيبي

ان شاء الله تعجبكم ..


اخوكم//
تايه الفكر ,,