السلام عليكم ورحمه الله وبركاته

وحشتني يا منتدى زهرة الشرق واعذرني طولت عليك غيابي

ولكن ابشر جبت لك معي هديه لك ولكل غالي وغاليه في المنتدى

قصيده عن قصه كتبها اونقلها اخي love lake وكانت القصه بعنوان

(ماتت اسما)

واليكم القصيده
====
شارع اعمى
تطلع اسماله تشوفه
من صباح الله
تاقف به تطوفه
ما تشوف إلا الحسوفه
والنكوفه

شارع اعمى
ما يشوف إلا غني
والفقير يدوس طرفه
يشرب الحرمان في كاسه هني
معضلات الذل حتفه

شارع اعمى مايشوف
والعيون تمربه
عشرات الوف
والظروف
الله ياحكم الظروف

شارع اعمى
تشرق اسما فيه
للصبح ابتسامه
والصباح الله عليه
شروق لعيون البشر
واسما تخبط في ظلامه

شارع اعمى يمتهنها
يستبيح آلامها
يسحق املها
يحتضنها
في سراب ايامها
في جوع اهلها

شارع اعمى
والغرابه في مدينه
والضعيف اللي مثل اسما
عسى ربه يعينه

شارع اعمى بل مكابر
مايشوف اسماواهلهاوسط عشه
داخل اسوار المقابر
مايشوف الجوع يلعب في حشاها
والله ان الجوع كافر

شارع اعمى
بالرغم من كل مابه
هذي اسما
طفله تلعب في ترابه
تجمع التربه تسويها عروس تضمها
تحكي لها تضحك لها
وان عاد بعثرها الهوى
تبكي عليها تلمها

والشارع اعمى
والنظرمن عين عابر
تضحك اسما
يبتسم انسان
من زود المشاعر
تتبعه بعيونها الخجلى تناظر
يبتعدوتعوداسما
تحتريه يمرباكر

شارع اعمى مايهم
تعودت فيه تحلم
ترقب مرور اللي يجيها مبتسم
يحكي لها وتكلمه
يشكي لها وتعلمه
يضحك لها
تسبق مشاعرها
تقبل مبسمه
وسط الخجل
ماشافته الاامل
وقف تعجب ماحتمل
مما حصل
قالت مهل
علمني اكتبهاحروف الحب
يكفيني جهل
يضحك عجب
وش هالطلب
طفله مثل اسما تحب
قال ابشري
مسح على الأرض وكتب

مر الزمن
والعابر ابطا ما ظهر
واسما الصغيره تحتريه
ايام لين اقبل شهر
ثم(ن)حضر
تركض تجيه تقبله
تمسك يده تتأمله
تعطيه منديل(ن)خضر
تنسج عليه حروف كلمه
ما نستها من شهر
مرت على الطفله شهور
وعمرهاالباهي يبور
وطيفها العابر ابد
ما عاد شافت له حضور

وشارع اعمى
والشوارع تشبهه
تضحك ليا مر القوي
تسخر ليا مر بدوي
واماالضعيف تكرهه

والشارع اعمى
هذي اسما
جوعها يملا حشاها
والمرض يغتالها
تروي عطشها من ضماها
طفلة(ن)يرثى لها
تغفي وسادتها ثرى
تبردتلحف بالسما
والذرا مامن ذرا
والشارع اعماه العمى

والشارع اعمى
والضحيه طفلته
تضمى تجوع وتحتضر ماهمته
ماتت على كف امها
من ضعفها من همها
من شارع اعمى ما تكرم ضمها

والشارع اعمى
ماتت اسما
قبلها مات الجميل
الطيب اصبح مستحيل
وماتت بسم النظام
والف طعنه من بخيل
======
وسلامتكم

وتحيه خاصه لكل من
المعنى/حازم/زاهيه/فدك/lonely/روز/وجميع المنتدى


نايف الحرف

naifalharf@hotmail.com
نايف الحرف