[gl]فــــــــــاضــــــــي[/gl]

فاضي
نعم فاضي
تعال نروح يم السوق
وشلك فيه؟
مااحبه ولاادانيه
بس انا لي به غرض
والله يجيب المرض
ياخي انته وش عليك؟
ادخل وغض النظر
وان تعثرت بحجر؟
ياخي قم وانفض يديك
***
وصلناالسوق؟
هذا السوق
وين توقف الموتر؟
أبطلع للمواقف فوق
ياساتر مواقف فوق؟
ياخي هذي عماره
واذا عماره
والله ما احسبها سوق
فخمه كنها وزاره
***
ياخي كثرت الأسواق
والله شي ما ينطاق
ياخي خلي العالم
تدور نعمة الرزاق
ماعليناماعلينا
اخلص ويالله سرينا
وين تسري؟
توناوالوقت بدري
فرصه اليوم افتتاح
يعني نبقى للصباح؟
لاابدماهوبقصدي
بس لو الود ودي
كل هذا الوقت يعدي
وان عجبنا شي نشري
ثم يم البيت نسري
ياخي والله ضاق صدري
***
رفيقي يارفيقي....هاه هاه
دخيلك قوللي وش هالعباه؟
جديده واسمها مخصر
اجل وين الستر وينه؟
قضى والظاهرتبعثر
عسى من باعها يخسر
ومنهو خاطها يكسر
عليهم الله الأكبر
يا عزيزي شي يهون
شي طبيعي للعيون
موضة الأيام هذي
جت عبايه بنطلون
***
امش لاتوقف تعال
شوف شي من الخيال
كيف أبمشي فالزحام؟
ياخي والله ذاهبال
***
اصبراصبر
شوف شوف
ويش اشوف!!!!!!!!!!!!!!!!!!!!!!
بين عشرات الألوف؟
شي مغري شي مضحك شي مبكي
شي يخلي جدار يحكي!!!!!!!!!
فوق خمسه آلاف شاب
بالبدال وبالثياب
بالبخوروبالعطور
وأغبى قصات الشعور
وبعض أصناف الخراب
والبنات الله ياكثر البنات
كاسيات وعاريات
ربعهن فالسوق يقضن
والبقيه فاضيات
الصغيره والكبيره
والمتينه والنحيفه
والطويله
لاتفوتك هالطويله!!!!!!!!!!!!
هذي ناقه
ياخبل هذي اناقه
بس من زود الرشاقه
شوف صار العود يابس
ياخي اسكت شوف ذيك
اللي تبرج عند بياع الملابس
شف شعور الناس وشهو
وجه ضاحك وجه عابس
قلب يشكي من ضعافه
والقوي له قلب يائس
ياخي امش ولاتدقق
شكلك بتصبح محقق
شايفك مبسوط راضي
بأبتسامتك متشقق
لا ابد كل الحقيقه
كل بكيفه متعلق
***
اصبر اصبر
شوف وحده تبتسم لي
من هناك
ياضعيف راح بالك
أختها تمشي وراك
طاح وجهك ماالومك
كل هذا من بلاك
ماعسىنظره تمر
الاوقلت البنت يمي
ولاعسىيمنى تلوح
الاوجبت الفين سمي
تذكر اللي قابلتك
وناظرتك وشاغلتك
وضحكت لك واظحكتك
وصحت يا ويلي
فلانه بنت عمي بنت عمي
***
والنهايه يارفيقي
من دخلنا السوق أشوفك
لا شريت ولا تبيع
ياخي انسى فيه مقهى
عنده الشاهي فضيع
اجلس اشرب لك بياله
واضحك الدنيا ربيع
هذا مقهى يا الهي
هذي مجموعة مقاهي
لاوازيدك فيه فندق
واخرادواره ملاهي!!!!!!!!
الحقيقه شي رائع
سوق والعاب وبضائع
حارس ومالك وبايع
والكثيرمن الروائع
والشباب اللي تشوفه
همهم بس البراقع............................وسلامتكم
*********

نــــــــــــــــــايف الحرف

naifalharf@hotmail.com
نايف الحرف