[ALIGN=CENTER]هذي بعض حركات البنات في اوقات الاختبارات للتهرب من المذاكره اللي قدرت احصيها


واللي عنده اي اضافه لا يبخل علينا فيها


1_ الثلاث وجبات الرئيسيه لازم تقعد عليها أول وحده وماتقوم الا آخر وحده جووووعانه المسكينه ياحرااام ,, واحيانا تزيد وجبات اضافيه اذا كانت الماده دسمه

2_ تقعد تسوي نفسها طفشانه وتعبانه وياااربيه ماني قادره اذاكر مدري وشفيني حاسه بكتمه يمه .. الظاهر أحد قاري علي والا صاكني عين .. تقعد امها تقول بسم الله عليك ... تعالي اقرا عليك يابنتي كل هذا عشان اذا اسقطت يقولون عين

3_ بعضهن ينزل عليهن وسواس نظافه ايام الامتحانات تتروش الصبح والليل وتستشور شعرها كل مره طبعا" مايصير تخليه يخرب وبكره كيف تروح للجامعه والكتاب عللى جنب طبعا" هذي من واجباتها اليوميه ماتقدر تتركها عشان تذاكر مايصيررر

4_ هذي تترك الكتاب على جنب وتقوم تقيس فساتين السهرات اللي عندها عشان بعد الاختبارات على طول فيه عرس فلانه بنت فلان لازم تحدد وش تبي تلبس من الحين .. لاوبعضهن ليلة الاختبار عند الخياطه رايحه تسوي بروفه .. الله من قل الدبره بس

5_ وبعضهن تنزل عليها صلة الرحم فجأة تقوم تكلم وحده من صديقاتها من زمان ماكلمتها .. تبي تشوف وش صار عليها وتشغلها عن المذاكره

6_ وهذي تنزل عليها الشطاره فجأة تسوي العشاء لاهلها .. وتغسل الصحون عن الشغااله بعد..

7_ وهذي مبتليها ربي بحب الجوال .. قالبتها تشات مسجات وماتصحى على نفسها الا قبل الفجر بساعتين ..

8_ وهذي المسكينه الله من قل الحيله توجع القلب لا قفلت معها قضبت المخده ونامت لين تصحى وتقول يوووه راحت علي نومه

9_ وهذي ايام الامتحانات تنزل عليها حالات غريبه كل شوي مشتهيه أكله معينه وماتلقى السواق الا رايح جاي رايح جاي .. يعني اذاكر .. وامها ايه يابنيتي وش تبين بس .. قال ايش تساعدها تفتح نفسها للمذاكره وماتدري .... [/ALIGN]

بنتظار احد المحسنين يسوي لي توقيع