تكتب (بنت) من البنات موضوع في منتدى (مااااااااااا) وبعد ما تنتهي من الكتابة تجلس تراجع موضوعها وتحس انه ركيك المهم تمسح الموضوع وتنسى اخر سطر ما تمسحه (وبرضه) تنسى وتضغط على اعتماد الموضوع وينزل اخر سطر في موضوعها الملغي اساساً المهم الشباب وياكثرهم وانا واحد منهم اول ما نشوف فلانة منزله موضوع على طول نضغط على رد على الموضوع قبل ما نشوف الموضوع اصلاً وخذ مدح ونطيرها بالعجه كلام ولا اروع

سلمت يمينك

لافض فوك

واصلي اتحافنا بجديدك


وتطول الديباجة ..................وفي النهاية البنت تشوف نفسها ولا غادة سمان

وهي توها في اول السلم وبكذا نكون قزمناها وخدعناها وهذي اكبر مصيبة تعيشها اغلب البنات في المنتديات الكل يداهن معها ويطبل لها حتى لو تنزل موضوع عن احوال الطقس بالخرخير تشوف الردود بالكوم !!!!!!!!!!!!

يا شباب نداء خندريسي جاد اثقلوا شوي ترى البنات اعقل من كذا وصدقوني كثرة الردود تجلب الجمود (مثل خندريسي جديد