هلا وغلا بالجميع
قبل كم يوم اتصل علي واحد يقول انت فلان؟ قلت نعم قال الله لا يهينك نبيك بمستشفى........... بقسم الطواري قلت خير انشاالله وش فيه قال خير انشالله انت تعال وبسرعة على طول ركبت السيارة وهواااااااااا للمستشفى دخلت قسم الطواري وانصدمت للموقف واحد من جماعتي حاصل عليه حادث ....... المهم موضوعي مهوب هذا موضوعي حصل بعد دخولي غرفة الطواري كنت جالس بجنب قريبي اهديه واقوله ان كل شي تمام .......المهم شوي واسمع صراخ وصياح وكل شوي يقرب الصوت ودخل علينا رجال بالخمسين يدف له عربية فيها بنت وهو يصيح ويقول دكتور دكتور بنتٍ لا تموت!!!!!!!!!! ويمشي ورى هالشايب ثلاث بنات يصيحين ويولولن المهم الدكتور قال خير اشفيه؟ الشايب اخذ حاله وطلع من الغرفة شكله متروع والبنات صياح بصياح قال الدكتور حد يكلمني البنت ايش فيها قالت بنت من البنات وهي تصيح وتشاهق كنا بالطايف والجو جميل والجبل مرتفع والسماء تمطر بس والله يادكتور ما عاد نسافر للطايف ابد ابد تقول ها الكلام وهي مدهره تصيح قال الدكتور (اقطع ذراعي ان كنت فاهم بتئولي ايه) المهم ان الدكتور طلب من بعض الممرضات يطلعوا البنت على السرير واخذ الضغظ والحرارة وكل شي طبيعي....... لا احد يقول وش دراك كانت البنت بجنب ولد عمي ما بينهم الى الستارة قال الدكتور الحمد لله البنت ما فيها شي بس اغمائة بسيطة وعدت وفتحت البنت وقالت انا وين قالت راعية الطايف والجبل والمطر انتِ بالمستشفى ياحصة ونحمد الله على سلامتك يوم الدكتور شاف البنات ركدن قال ايه اللي حصل بالضبط؟ قالت راعية الطايف يا دكتور حصة اغمي عليها قبل ثمان سنوات بالطايف وقال لنا الدكتور هناك احتمال الارتفاع والجبال سبب الاغماء وانت سالتني قبل شوي وقلت نفس الكلام ضحك الدكتور وقال ايوا ايوا نفس الكلام بالضبط المهم ان الدكتور طمنهم وقال البنت بخير وبصحة جيدة وتقدر تطلع بعد ما يخلص المغذي ........ وهنا حصل تحول جذري عند البنات الثلاث قامت الجولات تدهر اتصالات ورنين وقامت قل وحده تطمن اهلها عن حال حصة وسمعت وحده تقول لا تطلعوا من الاستراحة كلها ساعة وجايين وبدا التسكع بالقسم وبدا القز بالعيون وحده توازن النقاب والثانية تغير نغمة الجوال والثالثة يا ما طلعت وياما دخلت والجوال بيدها وهي ما غير تسولف سواليف همساوية بصراحة اني انغثيت منهن قبل شوي صياح وصراخ والحين استهبال وخز بعيون جعلهن للفضخ انا ومن جد ما اطهر نفسي لو كنت بغير هالمكان كان طرت بالعجة بس بمستشفى وبقسم طواري وبين ارواح بين الحيا والموت والله قمة المهزلة........... وعشان كذا قررنا تنكيس اعلام خندريس لمدة اسبوع حداداً على وفاة اخلاق البعض ولا حول ولا قوة الا بالله.

**القصة حدثت فعلاً