[c]
ياغلا كثر التغللي والله انه مشكله
وانشد اللي عذبه كثر الغللي ياغلا
والله اني طول عمري عايش في بهذله
ياكثر ماجاك مرسولي وتعطيني جلا
حسبي الله دايم تجاوب سوالي باسئله
عادة لك مهتويها كنك ماخذها حلا
تجرح وتزعل وانا اللي كل ذنب أتحمله
وان رضيت أشل صوتي مرحبابك ياهلا
كل مايرضي غرورك لازم أنك تفعله
مايهمك لو لحقني من غرورك ذا بلا
اذكر ان القلب حاول من جفاك محاوله
انه يهنيك بكلمه قال ياريم الفلا
يدري انك بدر ليل والله اللي كمله
بس مدري وش بلا قلبك من الرحمه حلا
تحسبني قاسي والبعد عنك أتحمله
لا وربي خافقي مالحظة عنك سلا
للجميع
بقلم
زارع الحب
[/c]