طرابلس يا خيمة بـــوح الخــاطـــر
 

سلام على طرابلس❤

سألتها: شفتك اليوم رهينه
والهَمّ واضح يااعز مدينه
من وجّعْكْ ؟

ياما شوارع غاليات علينا
اليوم كابيه ومغبّره وحزينه
من زعّلك؟

ماعمرنا ياطرابلس مليّنا
ولا بُعْد هلْ ياودّنا حسّينا
مااكرمك !

حتى على الليّ قابلك بالخَوْنَهْ
عْليتي ترَفّعتي حَمَلتي اجنونه
مااطيبك !

ياطرابلس سامحينا
يا طرابلس ياما عليك لفينا
ومامن وجوه سْماح فيك القينا
ومامن غلا درنا وبيه ازهينا
وفيك الضنا ياغاليه ربيّنا
واليوم ياست حاضرنا
وياسيدة ماضينا
نريدوا السماح منك
بالله ياطرابلس سامحينا...
بالله ياطرابلس سامحينا💔

https://www.zahrah.com/up/do.php?img=75

منقول

رد: طرابلس يا خيمة بـــوح الخــاطـــر
 

رد: طرابلس يا خيمة بـــوح الخــاطـــر
 

اللهم فرج عنا ما نحن فيه ...اللهم احفظ و سلم اهلنا القريبين من الاشتباكات اللهم الاضرار اشتدت في ضواحي المدينة.. ألطف بلطفك يا جواد يا كريم والرحيم .
.
أخي الهبيل
اتمنى لك سنة جديدة كلها حب وعطف وحنان واستقرار في وطنك وأوطان العرب.

رد: طرابلس يا خيمة بـــوح الخــاطـــر
 

مكسور خااااااطري والله
ياريت نرقد قيس عشر أعـــوام
وياريت وين انوض نلقي دولة
لا قتل لا فوضى ولا أنقســــــام
ولا فالمصارف ناقصة السيولة
الناس رايقة لا حرب لا أعتصام
وفالعلم والتطوير تبقى لولـــه
عايشين شرق وغرب فأنسجــام
وقلوب تصفا كاينة مغلولــــــة
ونلقى امان وامن وانتظـــــــــام
ونلقى المشاكل كلها محلولــــة
نحكي ونا عارف مغير أحـــلام
ماغير ربي بالدعاء نسعولــــة
بالك علينا أيحيد هالغمـــــــــــام
لا تروق لا تفراج غير بحوله

رد: طرابلس يا خيمة بـــوح الخــاطـــر
 

رد: طرابلس يا خيمة بـــوح الخــاطـــر
 

من دخان الوهم
الى دخان الحلم
لدخان الساحات الواهجمة
لدخان الطرقات الخانق لانفاسنا في الطرقات
لدخات يسرب الينا من الشاشات
دخان من الانترنت
من القادة وصحف المقالات
من سادتا ملو الصبر لنيل السابقات
دخان اطر اناسا باعوا الحق بأسعار البالونات
دخان لف المجرة وقالوا اسبابه الاوزون والفحتحات
وكأن دخان مداخنهم ومصانعهم يرمينا بالورد في الساحات
دخان غطى اللافتات وسقطت اسماء سهوا في الانتخابات
دخان عم المدن ومجالس الامن والمؤتمرات
ماعدنا نرى الا صواريخا تقتل وبيانات
ضاع الاطفال ليسوا تائهين ؟؟
ضاعوا جثثا ممزقتا في غزة بين الانقاض والحارات
دخان مابرح يسد العيون
دخان صم الاذان والحس حتى
الحقيقة على الشاشات
دخان يرى الخنادق هي مصدرها
لا القاذفات ولا الدبابات ولا الفانتوم ولم نسمع عزف البارجات
لا تسأل عن الورد و الاطفال الفراشات
الورد اضحى لاتندم
في غزة
سيبقى من صور الذكريات