الناس اللى فاهمه الرضا غلط!!
عشان الناس اللي فاهمة #الرضا غلط !!!!
• الناس فاكرة إن معني إني راضي إني = خلاص أبطل دعاء بقي وأسلِّم للي حصل وأفقد الأمل !! تفقد الأمل ؟! 😳 الرضا مش معناه اليأس .. الرضا معناه التسليم لأمر الله قلبياً ❤ يعني قلبك يكون مطمن إن ده خير مهما كان صعب .. لكن في نفس الوقت يكون مؤمن انه ربنا قادر يرفع القضاء ده #بالدعاء ! يبقي إيه المانع بقي إنك تدعي ربنا يرفع القضاء ده عنك .. وخصوصا إنك عارف إن »» [[ الدعاء يرد القضاء ]] .. 💚🌸 ٭ أيوب عليه السلام كان مبتلي ابتلاء شديد جداً !!! امتحنه الله بذهاب ماله وأهله ، وبالضر في جسمه حتى تناثر لحمه وتدود جسمه ، حتى أخرجه أهل قريته إلى خارج القرية ، وكانت امرأته تخدمه !! وقال الحسن البصري : انه مكث مبتلي مدة تسع سنوات وستة أشهر !! وكان صبور جداً لأقصي درجة ممكن يتحملها بشر .. ومع ذلك نادي ربه انه يرفع عنه البلاء :) !! وربنا فعلا استجاب له وكشف ما به من ضر ورد له أهله ومثلهم معهم ! { وَأَيُّوبَ إِذْ نَادَىٰ رَبَّهُ أَنِّي مَسَّنِيَ الضُّرُّ وَأَنتَ أَرْحَمُ الرَّاحِمِينَ (83) فَاسْتَجَبْنَا لَهُ فَكَشَفْنَا مَا بِهِ مِن ضُرٍّ ۖ وَآتَيْنَاهُ أَهْلَهُ وَمِثْلَهُم مَّعَهُمْ رَحْمَةً مِّنْ عِندِنَا وَذِكْرَىٰ لِلْعَابِدِينَ } ❤ الشاهد من قصة سيدنا أيوب عليه السلام ايه بقي ؟! :) ١ - مش معني اني في #ابتلاء اني استسلم ليه ومادعيش ربنا يرفعه عني ؛ أومال ربنا خلق لينا الدعاء ليه وعرفنا انه بيرد القضاء ! ٢ - مش معني ان البلاء طول اوي ومحصلش اي تغيير بدعائك انك تفقد الأمل انه يترفع ؛ لعل الله استجاب ولكنه يهيئ الأسباب ٣ - ربنا ختم الآية بقوله " وذكري للعابدين" يعني بيذكرك انت في الزمن ده وبيقولك اللي حصل ده مش لأيوب بس !! ده لأي حد عابد بيقرأ كلام ربه في كل زمان ومكان 🌸 ٤ - الرضا لا يعني عدم الدعاء مطلقاً ..الرضا ده #عبادة_قلببة ! ❤ ومكافأته من ربنا الكريم انه لما يلاقيك راضي انه يرضيك سواء دعيت أو لأ .. هتتراضَي يعني هتتراضَي إن شاء الله |
رد: الناس اللى فاهمه الرضا غلط!!
السلام عليكم
موضوع ولا اروع امل الله يسعدك ويجعله في موازين حسناتك يارب شكرا لك |
الساعة الآن 03:29 PM |
Powered by vBulletin® Version 3.8.12 by vBS
Copyright ©2000 - 2024, vBulletin Solutions Inc.