|
يا لهوتي
احسبها صح .. تعيشها صح بتطالعنا الحكومه المصريه الجامده جدا جدا كل يوم بالاعلان الفظيع ده ان الشاب المصري لما يحسبها صح حيعيشها صح بمعني ان الشاب المصري لو بطل ياكل سمك وفراخ دليفري وعمل عجه بايده حيقدر يتجوز ويجيب شبكه ويفتح بيت ويقنع اهل العروسه وكل ده في ظرف كام شهر يا بلاااااااااااااااااااااش والله ده بينقلنا لنقطه خطيره بت فظيعه اما ان الشباب المصري ابن ال ...... المحروسه اللي عايش لا شغله ولا مشغله ولا جواز ولا دراسه ومخلص تجنيد في الجيش ( حياه العربده والصياعه الابديه من الاخر ) اللي هما عباره عن واحد وتلاتين مليون اللهم صلي عالنبي شباب متخلف عقليا كله ومخدش باله من فكره الجنيس الرهيب اللي مجبتوش ولاده موظف الحكومه اللي اخترع الاختراع ده او ان الحكومه محدوفه عالاخر وعايشه في الكماننا خالص وضاربه حبايتين انتي بيوتك الف وحاسه ان تمن الشبكه وتكاليف الفرح هو عزومه سمك لا بقي مبدهاش لا مؤاخذه.. نناقش ونشوف النصيبه السوده دي كنا ناقصين زمان الشعب المصري الطيب قال (الشاطره تغزل برجل حمار ) طب ادي الشعب المصري في اخر خمسه وعشرين سنه غزل برجل حمار ولبس هدوم كمان من الغزل ده واخيرا أكل رجل الحمار اخيرا في القضيه الشهيره يبقي اذا الشعب عامل اللي عليه واللي جمبه واللي تحتيه كمان انا اصلا اظن ان الشاب الروش نابليون بونابرت قال مقولته (مفيش مستحيل) لما سالوه ازاي الشعب المصري عايش ؟؟ المهم يا معلم ان ده مش الاعلان اللي يحرق الدم تؤ تؤ التقيل ورا استني اللي يحرق دم سعادتك اعلان مدينتي اللي بيجي بعديه علطول في ديله الفيلا بسته مليون بس وتلاقي شاب وسيم جدا متجوز واحده زي القمر ومعاهم عيال اتنين فولت كمان وحينوروا مثال جامد للاسره المصريه وكمان لما الاولاد بيركوا الباص بتاع المدينه بيبقي في اوبشن القفز الحر لمسافه عشره متر من الباص وده غير متاح في اتوبيسات القاهره العامه والراجل تلاقيه عنده اجتماع في ناطحه سحاب وتلاقيه ماسك شنطته وخارج من هليكوبتره بكل شياكه نظرا لان العربيه الهامر الاتش ثري بقت لوكل وبيئه بالنسبه لعليه قوم الشعب المصري يعني تقدر تقول عربيه لادا وتلاقي الست بكل براءه ونضافه وشياكه واناقه وجمال بتنسق زهور حديقتها كل ده وانت بتتفرج علي الاعلان وبتعمل حاجه من الاتنين يا بتاكل عجه عشان تبقي زي الناس دي تبعا للحمله القوميه للارتقاء بالعجه (صنيه لكل مواطن) يا اما عمال تحسد وتقر لحد ما هشام طلعت مصطفي دخل السجن في قضيه شرف هههههههههه ولو كنت من اصحاب القلوب الرحيمه الناس اللي لا بتحسد ولا بتحقد لما حتشوف اعلان مدينتي (وهي ولا مدينتك ولا عمر اهلك حتشوفها) حتضطر تدعي وتقول ربنا يفك سجنك يا اتش (هشام طلعت مصطفي) في كل الحالات حيؤدي ده لتلت حاجات كنتيجه قهريه اما انك مواطن رخم ومش حتتأثر ودي قلما حتحصل لان الليله دي معموله علي ايد خبراء علي اساس انها تحرق دم اي حمار او انك شاب حتاخده الحميه .. حميه الجاهليه الاولي وتطلع في مظاهره تبع حركه (بس بقي قرفتونا) وحياكلوك عجه انما ايه .. عجب او انك تعمل زي العبد لله اخوك و تتبني النظام الامريكي في معالجه مرحله ما بعد الكارثه وتتوجه بكل هدوء ورزانه لاقرب صيدليه وتبدا بتكوين احتياطي ضخم من برشام الضغط يوازي احتياطي فورت نوكس الامريكي علي فكره الخطه بتاعتي مش لازم برشام ضغط بس بالعكس الافضل لكنه الاصعب و الحل الجذري اللي بيجيب من الاخر انك تديها يا معلم حقنه هوا فاضيه وبالشفا |
رد: يا لهوتي
[align=center]اللي يحرق دم سعادتك اعلان مدينتي اللي بيجي بعديه علطول في ديله
الفيلا بسته مليون بس وتلاقي شاب وسيم جدا متجوز واحده زي القمر ومعاهم عيال اتنين فولت كمان وحينوروا مثال جامد للاسره المصريه دا حقد طبقى بقى على الاغنياء اللى زينا بقى يامحمد وعلشان نحل المشكلة دية لازم نموت كل الفقرا ومايفضلش غير الاغنياء علشان دول هما امل البلد فى التقدم والازدهار والانتاج كمان .[/align] |
رد: يا لهوتي
[align=center]زي مره قريت لابراهيم هويدي
بيقول الجيوش العربيه قريب جدا حتبقي كلها ظباط بس مفيش جنود هههههههههههههههههههههههههههههههههههههههههههههه[/align] |
رد: يا لهوتي
[align=center]
كلنا في الهم هم يا خوية كله ياكل كله :D[/align] |
رد: يا لهوتي
[align=center]انت ليه بتقول لو طلع هشام
وهو هشام راح يتصدق بأمواله اوايه ؟ ضحكتني لما قلت بيعمل العجه بنفسه وحتى إن عملها يعني راح يصمد الكثير بحس إنها اماني فقط واضغاط احلام .[/align] . |
رد: يا لهوتي
هههههههههههههههههههههههههههه
انا كنت فاكرة نفسى بس اللى متغاظه من الاعلانات اللى ترفع الضغط دى ههههههههههههههههههههه وكل مااشوفها اعمل التليفزيون صامت او اقفله لكن لقيتك ياخويا اكتر منى هههههههههههههههههههه معلش يامحمد ولا تقول يالهووووى ولا يامصيبتى هههههههههه احسبها صح تعيشها صح ولو عرفت الحل اتصل على 0900 ههههههههههههههههههههههه اجمل تحيه |
رد: يا لهوتي
ههههههههههههههههههههه ضحكتني يامحمد وعمل عجه بايده
حيقدر يتجوز ويجيب شبكه ويفتح بيت ويقنع اهل العروسه وكل ده في ظرف كام شهر يا بلاااااااااااااااااااااش |
رد: يا لهوتي
اقتباس:
وطن عربي يا ينرفز والله يا نور مش عارف ليه بيعملوا فينا كده طيب ما احنا طيبين وساكتين اهو هههههههههههههههههههههههههههههه اقتباس:
ودورت كتير وعرفت اصل فكره العجه جه منين واللي حقوله والله حقيقه تاريخيه مش هزار ستالين تاني رؤساء الاتحاد السوفيتي لما بيسالوه في الحزب الشيوعي الحاكم عن المجازر اللي بيعملها قال (يا ساده كي نصنع العجه يجب ان نكسر البيض) واظاهر ان الشباب الغلبان ده هو البيض ههههههههههههههههههههههههههههههههههه اقتباس:
تيت تيت نصيحه اليوم كل عجه قبل ما العجه تأكلك ههههههههههههههههههههههههههههههههههههههههههههه اقتباس:
حيروح يتجوزها ويقوله بص يا عمي انا مش حقولك عندي قصر وعربيه جاجور هاند ميد للشغل وتانيه مرسيدس اس ال ستميه للفسح تؤ تؤ تؤ انا عليه اكله عجه حتاكل صوابعك وراها (من الغيظ هههههههههههههههههه) واهو يبقي زيتنا في طامتمتنا وفي بيضنا وفي دقيقنا .. اظن اني عريس لقطه ..واديكوا بتشتروا عجه ..اسف اسف بتشتروا راجل |
رد: يا لهوتي
;k;kهههههههههههههههههههههههههههههههههههههههههههههه ههههه
|
| الساعة الآن 01:53 PM |
Powered by vBulletin® Version 3.8.12 by vBS
Copyright ©2000 - 2026, vBulletin Solutions Inc.