منتديات زهرة الشرق - {.. خلْ نخليها صداقه .. ولا نفكّر بـ الزفاف ...!

منتديات زهرة الشرق (http://www.zahrah.com/vb/index.php)

- أشعار وقصائد (http://www.zahrah.com/vb/forumdisplay.php?f=31)

- - {.. خلْ نخليها صداقه .. ولا نفكّر بـ الزفاف ...! (http://www.zahrah.com/vb/showthread.php?t=40613)

{.. خلْ نخليها صداقه .. ولا نفكّر بـ الزفاف ...!

إحنا ما ننْفَعْ نكمّل . . كل واحد له طريق
نخْتلفْ في ألف نقطه وحيل واضح الإختلاف

عيشي من غيري حياتك وإحسبيني لك صديق
مالنا في بعضْ قسمه , وهذا هو حد المطاف

المحبه نهرْ صافي .. وقلبْ إحساسه رقيق
وإنتي تمليك القساوه و نهْر يمليه الجفاف

ليه أحبك وأدري إني في بحر غدْرك غريق
وليه أتصفّح حياتك ؟ دام عذّبني الغلاف

إن عشقتك صدقيني كني عاشقْ لي حريق
الحَطبْ عمري .. وناركْ بس تاكلْ ما تخاف

قلبي إختارك , وجيتك طايرٍ حرٌ طليق
ما ملا غيرك عيونه .. وياما في دنياه شاف

إحتمل قلبي وجودك وإحترى يصبح عشيق
ما لقا فيك المزايا وإسمحي له , الإنصراف

أدري القصه قصيره لكن .. الكاتب دقيق
فصّل الموضوع كله وما على القصه خلاف

إسمعي هذي القصيده صدْرها قافه بـ إيق
وإفهميها يا لبيبه .. عجْزها صعبٍ بـ آف

دام باقي للمعزه درب .. فينا لا يضيق ,
خلْ نخليها صداقه .. ولا نفكّر بـ الزفاف

من مآ آعجبني ...!