منتديات زهرة الشرق - الكذب عيب وقولة الصدق عيبين ..

منتديات زهرة الشرق (http://www.zahrah.com/vb/index.php)

- أشعار وقصائد (http://www.zahrah.com/vb/forumdisplay.php?f=31)

- - الكذب عيب وقولة الصدق عيبين .. (http://www.zahrah.com/vb/showthread.php?t=37337)

الكذب عيب وقولة الصدق عيبين ..

[align=center]السلام عليكم ورحمة الله وبركاته

هذه القصيده أزاحت من القلب الشيء الكثير وهي تعبر عن نفسها

أتمنى تحوز على إعجابكم .

الكذب عيب وقولة الصدق عيبين
حنا كذا في مجتمعنا الخيالي

الزين في هالوقت كله غدا شين
والكل في وضعه أبد لا يبالي

تغيرت كل البشر بعد اللافين
يالله دخيلك من صدوف الليالي

ياغاليه ودي على شوفك ألحين
صدري عقب فرقاك ماهو شمالي

الورد ذابل يالغلا بالبساتين
وعرفت قدرك عقب شي جرالي

ياحض منهو ساكن وسط برلين
ويشوف نور اللي سببها هبالي

اللي غلاها ينوزن بالملايين
وكل الحمول اللي بعدها ثقالي

متى على الله نجتمع يأريش العين
وأذوق بعد المر حلون زلالي

الله يجازي من همزني بشطرين
وهيض جروح شايله بأحتمالي

شطرن يقول بصدمته للقريبين
وشطرن يقول بصدمته من ضلالي

والصدق ماهو عيب لا يمجانين
لكن كذا هو مجتمعنا الخيالي[/align]

رد: الكذب عيب وقولة الصدق عيبين ..

[align=center]الصديقه والاخت
شواخ العربيه[/align]http://www.up-00.com/uploads/ht468188.jpg

رد: الكذب عيب وقولة الصدق عيبين ..

أشكرك عزيزي الهيتي على مرورك الرائع جدا كصاحبه

رد: الكذب عيب وقولة الصدق عيبين ..

هلا شاعرتنا المميزة شواخ العربية

أبيات رائعه جداً

صح لسانك وبيض الله وجهك

دمتى مبدعه

ننتظر المزيد من هذا الجمال

أجمل تحيه لكي
زارع الحب

رد: الكذب عيب وقولة الصدق عيبين ..

أهلا بك يا أخي الغالي زارع الحب

صح بدنك وشكرا على مرورك الرائع الذي حقا أسعدني

أشكرك من كل قلبي على هذه البصمة الرائعة منك