|
هوه احنا مش برضو حبايب
هوه احنا مش برضه حبايب وانا قلبي في هواكم دايب إيه اللي غير أحوالكم دا انا ليا ف قلوبكم نايب والا عشان قلبي معاكم ترخوا تشدوا على هواكم هيه المحبة كده برضو بصراحة محتار وياكم ليه تزعَّلوا قلبي الطيب فيه هوه حاجة بتتعيب وفيها ايه طيبته معاكم والا يكون منكو قريب ؟؟ ياللي هواكم سهرني وغيابكو عني محيرني لو تسألوا مرة عليا دا سؤالكو عني يصبرني ياللي هواكم خلَّاني ازاي أكون انسان تاني ايه اللي كان مني اتغير خلاَّ قلوبكم تنساني ؟؟ ياللي هواكم نساني ان الزمان راح ينساني ليه بس ضيعتوا الفرحه والحب تاه من أحزاني وأنا مهما اشوف منكو آسيَّة أو تغرسوا الشوك ف إيديا قلبي الكبير يتحملكم ماانتوا ورود غاليه عليا *** مع تحياتي عاشق الورد حسني جاد |
رد: هوه احنا مش برضو حبايب
إلهى كن لي المعين..ووجهنى وأجعل فى قلبى
سراج يمسح كربى ويزيل همى وجنبنى قسوة الدنيا ومن يسكن فيها ......... إلهى حبيبى ..... إجعل القرآن فى قلبى ضياء ونور يستضاء به الظلام.......... بمداد نورك يارحمان الدنيا ورحيمها إلهى لاتقسو على فاأنا عبدك إبن عبدك ناصيتى بيدك ...... إجعل من وجهى نور ينير مثل نور القمر وهاأنا خالص النية لك بقلب مزدهر بحبك وحب من تحبه إلهى إجعل قلوب من أحببتهم بهذه الدنيا صفاء ونور واستبرق وسندس وضياء فهاأنا أرفع لأحبابى تحية المساء |
رد: هوه احنا مش برضو حبايب
عمنا الشاعر حسنى جاد
حاسس ان احنا اعدين تحت الجميزة جنب الساقية اللى بيدورها ثور مش ماكينه على الحصيرة وامامنا راكية نار عليها براد الشاى وعلى الجانب الاخر كام كوز ذرة بيتشوى وانت اعد ساند دهرك على الجميزة واحنا وحبايبك اعدين حواليك ساعة الغروب وانت بتبص فى الارض وبتلعب فى التراب بفرع شجرة وعمال تقول لينا تلك القصيدة وكل شوية نقولك الله ياعمنا اخوك العجوز احمد المصرى |
رد: هوه احنا مش برضو حبايب
على رأي اخوك العجوز احمد المصرى
عمنا الشاعر حسنى جاد هو انت لسه بتسأل احنا مش برضو حبايب وحشتنا ووحشتنا جلساتك ياغالى كلماتك فى منتهى الجمال وماقدرش اقول اكتر من كده شهادتى فيك مجروحة دمت ودام نبض قلبك وقلمك تحياتى وتقديرى . |
رد: هوه احنا مش برضو حبايب
انا مع احمد ووائل
ياريت نتجمع كلنا تحت شجرة الجميز ونشرب الشاى ونضحك بس ياحسنى خلى الساقية تدور بالماكينة بلاش التور بجد ان شاء الله حاجى اشرب معاكم الشاى اذا ربنا ارد ان شاء الله بلغ حبيبتى واولادى بيت اخويا ربنا مايحرمنى منه |
رد: هوه احنا مش برضو حبايب
ياسلام يابلبل
على مشاعر الاخوة واحساسك الرقى فعلا مافيش احلى من الصداقة والاخوة وشوفى بقى لما يتقابل المصرى على بلبلة على وائل وعمنا حسنى ساند دهرة على الجميزة يبقى يوم مش معدى من الضحك ههههههههه |
رد: هوه احنا مش برضو حبايب
اه والله تصدق يااحمد اقسم بالله باحلم بيوم زى ده ياسلاااااااااااااااااااام
الله ياريت يبقى يوم من الجنة لما كل الأخوات يتجمعوا مع بعض وتبقى فعلا جميلة لو احنا قاعدين على الارض وبنشرب الشاى وبنضحك وبنفتكر ربنا يقرب البعيد |
رد: هوه احنا مش برضو حبايب
والله تشمى على
زيها زى مع بس انت مش واخدة بلك ههههههههههههههههههههههه |
رد: هوه احنا مش برضو حبايب
لا بقى اللغة العربية انا باحاول اصلحها عندى وانت بتخرب اللى باقى عندى
|
رد: هوه احنا مش برضو حبايب
وانت اية عرفك ان ازازها مخلوع
هى فية عين مخلوعة والتنية موجودة هههههههههههه ياسلا بقى على القعدة دية وشوية مش على جبنه قديمة وطماطم من الغيط وشوية جعضيض على سريس على شيكوريا يبقى نهارنا فول |
رد: هوه احنا مش برضو حبايب
ياحسنى يعنى ايه جعضيض وسريس
انا نفسى اكل جبنة قديمة وطماطم وياسلام على طبق فول بالزيت والليمون وعيش بلدى بس على شرط ناكل برضه على الارض الله ولو الشمس غربت الواحد كده ينام ويبص للسما وتراب الارض ناعم وجميل واحنا بنضحك احلم معانا ياحسنى انت ووائل |
رد: هوه احنا مش برضو حبايب
ايوة تنامى على الارض
ونحط فى عينك التراب ياسلام ونبقى رجعنا الانسان لاصلة منها خلقناكم وفيها نعيدكم ومنها نخرجكم تارة اخرى والاجمل طبق فول بالزيت الحار المحلاوى حاجة جنان تقفل معاك بقيت السنه ههههههههههههههههههههههههه (((( ومن عند البغل )))) |
رد: هوه احنا مش برضو حبايب
انا حكل فى نفس طبق حسنى ووائل
|
رد: هوه احنا مش برضو حبايب
بقولكم اية يا جماعه
الرحلة دى مايسدش فيها غير طبق عسل نحل تمام وقشطة وعليها حتة سمنة بلدى وفطير مشلتت وجبنة مش او قديمة وااااااااااااااااااااااااااااااااااااااو الف هنا وصحة ونجيب فؤاد معانا كمان علشان الاب توب بتاع بلبلة لو حصل فيه حاجة يلحق يصلحة والبن من عندى والكركدية السودانى وربنا يبقى يوم طحن وبأزن الله يتعمل بس يكون فبل رمضان شوقتونى للمة دى من دلوقتى انا فى انتظارك ياعم حسنى ويجيبك بالسلامة يابلبلة تحياتى للجميع . |
رد: هوه احنا مش برضو حبايب
اهلا ياشلة الأول ح ارد على هيام واقولها الف الف مبروك ياهيام ويتربى في عزك ويخليكي يارب ويفرحك دايما اشكرك من كل قلبي على الدعوات المخلصة الى المولى سبحانه وأدعو الله تعالى أن يتقبلها مرة أخرى مبروووووووووووووك يا أم مهند بس ماتنسيش السبوع متهيألي عندكم بيتعمل بطريقة تانية الف الف مبروك . . . . أما أنتم يامقاطيع السيد البدوي تعالوا والعيل فيكم اللي يرجع في كلامه العزومة البلدي خالص دي أقسم بالله حتكون جاهزة لكم في اول زيارة تزوروني فيها الشجرة والساقية والنيل والترعة والذره المشوي والجبنة القديمة والمش والعسل الصافي والقشطة وعيش البتاو المعمول باللبن يعني ياحمد ممكن تاكل منه حمولة عربية وطبعا الخضار موجود قدامنا وعيدان الصيد حتكون جاهزة وجلسات جميلة تحت أشجار الصفصاف المتدلية في ماء النيل منظر ولا أحلى ناخد لنا كم صورة للذكرى ونعيش يوم ننسى فيه المدينة وقرف المدينة انا وعدتكم فأوعدوني ياشلة الأحباب ويارب نكون كلنا متجمعين كده على المحبة والمودة ونعاهد أنفسنا على ذلك خلاص اتفقنا الموضوع ده يكون قبل رمضان وانا ان شاء الله نازل مصر يوم السبت بالكتير لو ماتأخرتش في مكة المهم يجب ان اكون متواجدا قبل يوم 5 /9 موعد الجرعة التانية وربنا يستر منها تحياتي للجميع محبكم حسني عاشق الورد |
| الساعة الآن 12:35 PM |
Powered by vBulletin® Version 3.8.12 by vBS
Copyright ©2000 - 2026, vBulletin Solutions Inc.