|
أمانى الغد
نفسى امسك ايدك
واعيش فرحة عيدك امشى جنبك ....... والناس على الصفين يهنوا ...يباركوا فى قلوبهم فرحه او حسره غيره او نميمه مش مهم المهم أشوفك انت فستان ابيض طويل طرحه تغطى الجبين عُقد لولى على الصدر يميل شعر اسود طويل قلب ابيض كبير عيون واسعة جميله اعيش فيها كل ليله اسكر فيها من غير خمر تكوى قلبى من غير جمر افرح معها من غير زمر اشوف فيها الكسوف والحيره جنب الحب ونار الغيره وانا بالبدله السمرا الجميله علشانك انت ياحبيبه او بيجاما بيضا طويله أقولك صباح الخير ياعنيا تقولي وحشتنى من امبارح للفجريه اقولك ماكنت جنبك لحد الصبحيه تقولى : أبدا ده اصلة شوق وحنيه |
رد: أمانى الغد
|
رد: أمانى الغد
أحمد لاول مره أقراك بهذا اللون الجديد والجميل قصيدة باللهجة المصرية الجميله تختال بثوب العرس وفرحة قلب ولهفة مشتاق اللهم حقق لاحمد ما يتمنى نهى تقول لك ابدعت وامتعتنا حد النشوة فلا تتوقف عن هذا الجمال وهذا الشهد باقة ورد من نهى |
رد: أمانى الغد
الله الله الله الله
صدق والصدق أقول إن الحرف عندما يكون جميلا تقرأه المرّة تلو الأخرى دون ملل وتحار في جماله لك خالص الود يا أحمد على هذه اللوحة الرائعه |
رد: أمانى الغد
الاخت نهى الخاطرة دية كانت فلته منى
حاولت فيها اجرب نفسى فى شكل جديد بس كنت حاسس وانا بكتب ان ده لون مش بتاعى وقميص مش مقاسى ومش عايز اخرج من جلياب ابى مرة اخرى فساعود لسابق لونى وكتاباتى ومن خرج من كتاباته ولونه تاه فى السكه دمت بكل ود |
رد: أمانى الغد
الاخ اسعد
اشكر لك مرورك وانت كدة هتخلينى افتكر ان انا كتبت حاجة كويسه بجد الحكايه كلها ان انا بجلس على المكتب وامامى ورقة وقلم وبسيب القلم يكتب اللى عايزة فمرة يطلع هجاء للنساء ومرة يطلع زجل فى هجاء النساء برضة ومرة يطلع شجن ومرة يطلع زى ماانت شفت كدة وكله بفضل الله وقدرة دمت بكل ود |
رد: أمانى الغد
احمد كلمات جميلة بصراحة ليه ماتكتبش دايما كلمات كده حتى لو تكدب على نفسك مجرد تديك امل وتفاؤل
تحياتى لصاحب القلم الرائع |
رد: أمانى الغد
بلبله
احيانا اكون فى حالة وجد وشوق وحنين فاجدنى امسك القلم واسجل به تلك المشاعر التى اجدها بداخلى مخاطبا تلك المعشوقه واحيانا اكون فى حالة ضيق وضجر فاجدنى اكتب عن بعض الصفات التى اضيق بها ذرعا فى المرأة ولايعنى هذا هجوما عليها وانما هو تنبيه للغافل لما يكرههُ الرجال من صفات قد تتحلى بها بعض النساء ولكن فى العموم اجد متعة الكتابه عن الوجه المشرق للمرأة ولكن ليس دائما استطيع ان اعبر عن تلك المشاعر الا عندما تفيض وتثور بداخلى فتخرج كالبركان ولكن بركان محمل بحمم تحمل الاشرق والحب . دمت بود |
رد: أمانى الغد
يؤ يؤ يؤ
جميل ياعمي.. وراائع ما خطه قلمك هذه المره.. ما اجمل الصراااحه... خلك كذا دايما وبلاش تعادي المراءه.. |
رد: أمانى الغد
ههههههههههههه
فروحة اشكرك لتعليقك الجميل تفتكرى ان ممكن أليق فى الكلام الرومانسى الحلو ؟؟ اسعدنى مرورك |
رد: أمانى الغد
يالااحساس الكلام...
في حديثك تناغم وأشجان وهمس للذى سلبت الروح وجعلتها تشتكى مثل آهات الندى تساقطتت حبات لؤلؤية على وردة برية انغرزت بين ضلوعك.... ألوانها ساحرة ...تهتف لندائك بهمس الأساطير أيها الحانى تقرب هاهى تقبل كالبدر المنير طلعتها بهية ابتسامتها تتوهج باأطياف الربيع برومانسية الحالمين ستحتضنك وتغمرك وتحتويك |
رد: أمانى الغد
ليس لهذة الدرجة يااخت هيام
فقد مدحتى اكثر منا للازم عموما اشكر لك طيب مرورك احمد المصرى |
رد: أمانى الغد
شوف ما أحلاك يا عمو أحمد
عندما تسخر قلمك الرااااااائع وتكون حنون علينا وتكسر قلمك اللي بيهاجمنا أجمل تحية من القلب لك |
رد: أمانى الغد
الابنه مساهير
طبيعة الحياة هكذا فرح وحزن حب وكرة هجوم ومداعبة يعنى انت عايزة الجانب الحلو فقط ومش عايزة الجانب لاخر ؟؟؟ لابد من الجانبان حتى لاتسأم المرأة الحياة وفية ناس كتير بتقول كلام حلو وخلى قلمى انا للجانب الاخر ولكن لامانع من وقفات لالتقاط الانفاس احيانا اكتب فيها مايسعدكم ولكن لاتعتادى على ذلك ويابخت من بكانى ولا ضحك الناس عليا عمك العجوز احمد المصرى |
رد: أمانى الغد
.
العاشق المشاكس . . جميل ما خطه قلمك كلمات تطرب لها الأذن من جمال تصورها أنا من رأيي أنك تبقى بالبيجاما البيضا لحد الفجر وسيبك من البدلة أشكرك جدا أخي أحمد كل التحية والتقدير مع محبتيlonely |
| الساعة الآن 07:24 PM |
Powered by vBulletin® Version 3.8.12 by vBS
Copyright ©2000 - 2026, vBulletin Solutions Inc.