|
حال الزواج اليوم
http://www.3rb2.net/get-1180023400.gif ارجو ان تقبلوا هذا الموضوع الخفيف وهو عن الزواج وحال البنات والشبان عندما يطلب الشباب يد الفتاه تعالوا نشوف الطلب والرد عليه هيكون ازاي هو : تتجوزيني ؟ هى : أفندم ؟ هو : بقولك تتجوزيني ؟ هي : بتقول ايه ؟ هو : تتجوزيني ؟ هي : طبعا لأ هو : ليه ؟ هي : بصراحة كدة شكلك مش عاجبني هو : إزاي يعني ؟ هي : يعني .. أصل أنا ليا مواصفات معينة لفارس أحلامي هو : مواصفات معينة ؟ .. هو انتي هتتجوزي عربية؟ هي : لأ ! .. بصراحة كده .. إنت مش فارس أحلامي اللي باتمناه http://www.3rb2.net/get-1180019001.gif للمرة التانيه هو : تتجوزيني ؟ هي : إيه ده ؟ شكلك اتغير هو : إيه رأيك ؟ هي : واو .. شعرك بقة ناعم ! .. دي باروكة ؟ هو : أيوة هي : ودي عدسات خضراء ؟ هو : أيوة هي : واو ! .. بس بجد .. بقيت وسيم .. واو ! ده انت بقيت شبه نيكولاس كيج هو : مين عباس كيج ده ؟ هي : عباس ؟!! ياي .. إيه عباس دي ؟ اسمه نيكولاس هو : مين نيكولاس ده ؟ هي : بقة مالكش في السيما وجاي تكلمني ؟ .. ياي http://www.3rb2.net/get-1180020006.gif للمرة الثالثه هو : تتجوزيني ؟ هي : انت لسه ليك عين تكلمني ؟ هو : أيوة .. أنا عرفت مين بنكرياس كيج ده هي : أولاً : اسمه نيكولاس كيج هو : أيوة أيوة .. كنت هاقول اسمه صح .. بس اختصرته .. ده ممثل هي : ممثل إيه ؟ هو : ممثل أمريكاوي هي : أمريكاوي ؟! .. إخّييي ! .. اسمه أميريكان يا بابا .. ما تبقاش دونكي هو : دونكي دي تبقى شتيمة ؟ هي : أوف كورس http://www.3rb2.net/get-1180020264.gif للمره الرابعه هو : تتجوزيني ؟ هي : عندك عربية موديل كام ؟ هو : موديل دي تبقى شتيمة ؟ http://www.3rb2.net/get-1180020384.gif للمرة الخامسه هو : تتجوزيني ؟ هي : قولي الأول .. حاطط أنهي نغمة في الموبايل بتاعك ؟ هو : نغمة دي تبقى شتيمة ؟ http://www.3rb2.net/get-1180020544.gif للمرة السادسه هو : تتجوزيني ؟ هي : ما قلتليش .. إنت بتشتغل إيه ؟ هو : أنا -بلا فخر- عاطل هي : عاطل ؟ .. ياي هو : مش أحسن من اللي ما بيشتغلش ؟ هي : لا هو : يعني مش هتتجوزيني ؟ هي : لا هو : كدة أنا أزعل هي : ما تزعلش يا بابا .. خليك فريش هو : ماشي .. ماشي .. بس قوليلي هي : إيه ؟ هو : فريش دي تبقى شتيمة ؟ http://www.3rb2.net/get-1180020712.jpg للمرة السابعه هو : تتجوزيني ؟ هي : لقيت شغل ؟ هو : أيوة طبعًا .. سنتين وأنا بادور .. أخيرًا لقيت هي : وإيه هو ؟ هو : سواق تاكسي هي : ياي ! .. مش مكسوف وانت بتقولها ؟ هو : فيها إيه ؟ العمل شرف .. وكلها كام سنة وأجمع مبلغ كويس هي : شرف ؟ جتك القرف http://www.3rb2.net/get-1180020919.gif للمرة الثامنه هو : تتجوزيني ؟ هي : جمعت مبلغ كويس ؟ هو : طبعًا .. مبلغ كبير جداً هي : قد إيه يعني ؟ هو : ألف جنيه هي : نعم ؟!!! .. ألف جنيه دول تروح تسرح بيهم ببطاطا هو : يعني موافقة ؟ هي : روح اتنيّل http://www.3rb2.net/get-1180021054.gif للمرة التاسعه هو : تتجوزيني ؟ هي : عندك شقة ؟ هو : طبعًا .. أوضة على السطوح هي : نعم ؟ هو : إيه المشكلة ؟! .. أحسن ما ننام في الشارع هي : في الشارع ؟! .. إيه الألفاظ السوقية دي ؟ ياي ! .. لازم يا بابا تجيب شقة هو : طيب .. كلها كام سنة وأجيبلك أحسن شقة في الدنيا هي : وهتجيبها في جاردن سيتي ولا في الزمالك ؟ هو : لا .. في الأهلي .. هيهع هيهع هيهع الباقيه آتيه |
رد: حال الزواج اليوم
http://www.3rb2.net/get-1180021160.gif للمرة العاشرة ( بعد سنوات) هو : تتجوزيني ؟ هي : جبت الشقة ؟ هو : أيوة .. الحكومة بتبني شقق للشباب وأنا خدت شقة .. صحيح إنها اتأخرت لسبع سنوات .. لكن المهم إنها جات هي : فانتاستيك هو : بس الشقة ناقصة حاجة هي : إيه هي ؟ هو : مفيهاش حمام هي : امشي من قدامي ! .. مش طايقاك http://www.3rb2.net/get-1180021526.gif عدوا انتوا بقى انا تعبت هو : تتجوزيني ؟ هي : إنت تاني ؟ هو : جبتلك حمّام إنما إيه هي : خليه ينفعك هو : ليه بس ؟ .. ده ينفع لينا احنا الاتنين هي : وأنا مالي ؟ هو :مش عاجبك .. مش مشكلة .. أكتبه باسمك http://www.3rb2.net/get-1180021721.gif (بعد سنين) هو : هتتجوزيني ولا أولع فيكي ؟ هي : ومالك محروق كدة ؟ هو : حكايتنا طولت قوي .. طولت أكتر من اللازم هي : أوكي .. بس ممكن أعرف حاجة ؟ هو : إيه ؟ هي : إنت ليه متمسك بيا أوي كدة ؟ هو : أصل .. أصل هي : أصل إيه ؟ هو : أصل أنا بحُبك (بضم الحاء) هي : بحُبك ؟!! .. إيه بحُبك دي ؟! .. إسمها بحِبك (بكسر الحاء) بعدين خليك روش وقول I love you هو : ماشي .. بس قوليلي هي : نعم ؟ هو : روش دي تبقى شتيمة ؟ http://www.3rb2.net/get-1180021759.gif هو : تتجوزيني ؟ هي : بصراحة .. في حاجة كنت عاوزة أقولهالك من زمااااااان هو : إيه ؟ هي : أنا بصراحة .. مش شايفة إن في حد في العالم يستاهلني هو : يا سلام ! .. ليه ؟ هي : عشان أنا جميلة .. خفيفة الدم .. رشيقة .. رقيقة هو : رقيقة ؟! .. ده انت بدأتي تقشفي هي : فشر هو : فوقي لنفسك .. العمر بيجري هي : أنا مصرة على رأيي هو : يعني إيه ؟ هي : يعني اقطع معايا هو : بعد كل السنين دي ؟! .. بعد كل الحب ده ؟ هي : بلاش تراجيديا من فضلك - هو : ماشي .. بس قبل ما أمشي عاوز أسألك سؤال واحد بس هي : إيه هو ؟ هو : تراجيديا دي تبقى شتيمة ؟ http://www.3rb2.net/get-1180021857.gif ( بعد سنوات ) هو : تتجوشيني ؟ هي : إيه ؟ هو : تتجوشييينييييييي ؟ هي : إنت مين ؟ هو : أنا حبيبك يا هبلة .. البشي النضارة عشان تشوفيني هي : طيب شاعدني عشان ألاقي النضارة هو : آهي على الترابيزة قدامك هي : فين ؟ هو : لا دي نظارتي أنا هي : أيوة لقيتها هو : البشيها بقة هي : ططييبب هو : عينيكي فوق شوية .. ده بقك هي : طيب لبشهالي إنت هو : عقبال ما البشك الدبلة هي : ما تكشفنيش .. كنت بتقول إيه بقى ؟ هو : كنت بقول تتجوشششيييينيييييي ؟ هي : أكوشك ؟ .. إزاي ؟ هو : يا ستي مش تكوشيني .. تـ .. تـ .. جـ .. و.. شـ .. يـ .. نـ .. ي؟ هي : دي شتيمة ؟ هو : لاااااء .. بقولك تتجوشيني ؟ هي : آه !! .. أجوشك هو : بالضااااابط .. هاه ؟ هي : شيبني أفكر هو : أشيبك تفكري ؟! .. ده انت هتموتي خلاش هي : لا .. شيبني أفكر بش هو : ربنا يوفقك هي : إيه ؟ هو : ربنا يوفقك هي : بتقول إيه ؟ هو : ربنا ياخدك http://www.3rb2.net/get-1180022031.gif (على فراش الموت) هو : تـ … كوح .. كوح .. تتـ .. كوح كاح كيح .. تتكو .. كوح .. كوح تتكوشـ .. كوح كوح .. يني ؟ هي : مش شامعة هو : بـ .. قوللـ .. كوح .. كوح .. بقولك .. تـ .. تـ .. كوح .. كوح تتجوشيـ .. ؟ كوح .. كوح هي : أجوش مين ؟ هو : كووح كوح كاح .. هوه إنتي .. كوح كوح .. معرفتيـش .. كوح كوح كيح .. ميـ .. كوح .. مين ؟ هي : إيه ؟ هو : لا .. كوح .. أبدًا .. كوح .. كنت … كح كح .. بأكح هي : كنت بتكح ؟!!!! .. شلامتك .. ما قلتليش ليه ؟ هو : كوح .. إنتي .. لشة .. عارفـ .. ـة .. كوح كوح هي : بتقول إيه ؟ هو : يا .. ستي .. كوح كوح .. ردي .. كوح كوح .. عليا .. تـ .. تـ .. جو شيـ .. كوح كوح كوح كوح .. نـي ؟ هي : أجوشك ؟!! .. طب بش خد الدوا الأول هو : يا ست..ي .. كوح .. كوح .. أنا .. كوح .. كوح .. هتتجوشيـ .. كوح كوح كوح .. ـني ؟ هي : أيوة يا حاج .. موافقة هو : موافقة إنك تتكوشني ..أخيـ….كوح كوح ..راااااً !! .. كوح كوح كدة أموت .. كوح كوح .. وأنا .. كوح .. مطمئن ومرتاح .. الودااا .. كوح ..ع ع ع ع هي : يا حاج .. يا حاج لااااااااااااااااااااااااااااا http://www.3rb2.net/get-1180022486.gif وبعد ماهم تعبوني وانا طولت عليكم وتعبتكم كانت هي دي النهايه المؤلمه بعد كل سنين الحب http://www.3rb2.net/get-1180022961.gif منقووووووووووووووول |
رد: حال الزواج اليوم
شمس
ربنا يسمعك نقطسنى وغظتينى اعد اقرة الموضوع وهقول هيخلص وهو مش عايز يخلص عموما انا خلصتة خلاص بس فية عيب خطير فى الحكاية اولا :انت ماقلتليش الجنازة امتى بتاعة العريس والعروسة ثانيا هيدفنوا فى مقابر الصدقة بتاعة العشاق ولا لديهم مقابر خاصة وايضا هنصلى عليهم فى انهى جامع وفية عزاء بالليل ولا العزاء على المقابر فقط ااااااااااااااااااااااااااااااااااة صحيح بقولك اية عندى ليك عريش كويش ايةة رايك تتجوشى عمك العجوز ههههههههههههههههههه تعالى نتكلم جد بقى شوية يبدوا لنا من الفكاهة الواردة بالموضوع ان اهتمام البنات بالامور الشكلة المادية ولم تهتم الجوهر وهو الاصل كمان يجب ان نغفل اهم معيار حددة الرسول لنا فى حديثية الشريف ((اذا جائكم من تردون دينة وخلقة فزوجوه )) فالدين مهم كمعيار للاختيار والخلوق ايضا مهم ويندرج تحت الخلق هذة الطباع المستوى الاجتماعى والثقافى الروح ان كانت مرحة او جادة الذكاء الفطنة يدرج تحتها كل ماترغبية فى هذا العريس ويتفق بل يتماثل مع شخصيتك حتى فى اررتفاع صوتة او اختفاضة عند الحديث او عند الغضب |
| الساعة الآن 04:33 AM |
Powered by vBulletin® Version 3.8.12 by vBS
Copyright ©2000 - 2025, vBulletin Solutions Inc.