منتديات زهرة الشرق - مــــن بـــوح القـــــلـــــم..

تغيب وتترك... الشوق... بقايا عاشـق هالـك
بقايا جـرح ودمعـه ...وليـل مظلـم اركانـه
نسيت العهد والموعد .. وليتك ذكـرت ايمانـك
نسيت العمر الى افنيته وانا اضحي على شانـه
حسبتـك للعمـر خـل .. تبقـالـي وابقـالـك
ورجعت بتالي سنينـي ... وحيـد راح خلانـه
رحلت وروحي بدت ترسم .. خطى حلك وترحالك
في برك والبحر والجو... تراهـا دوم هيمانـه
تبعتك عاشق ظميان ... من همومـي ابلجالـك
رجعت وقلبي المحروم ... يقود الشوق نيرانـه
انا جيتك من هجير الهم ..حسبت الفي بظلالـك
لقيت القيظ بدروبـك.. طريـق انـت عنوانـه
ببدل نظرتك فينـي.. واخلـي السهـر يحلالـك
ابي تضوي شموعك.. بليـل تسامـر احزانـه
ابيـك تنـزف الدمعـه.. وتنـدب ردى حالـك
وانا بطرب على صوتك ... واتمايل على الحانه
وفي الاخر ابيك تعود ...وتبي ذا القلب يصفالك
وبقولك روح يا خوان .. حبك راحـت ازمانـه