|
قصة ظريفة
بسم الله الرحمن الرحيم
كتب : لينين الرملي (حصاوي علي المقهي يقرأ الصحيفة) حصاوي: قريتوا الخبر ده؟ لقوا قطعة نقدية من عصر كليوباترا وعليها صورتها وشكلها وحش يعني عكس ما كنا فاكرين خالص. زبون1: فعلا كل اللي مكتوب عنها أنها كانت جميلة وعشان كده وقع مارك انطونيو في غرامها. حصاوي: مش دا معناه أننا لازم نراجع التاريخ؟ زبون2: انهي تاريخ؟ زبون3: كل التاريخ مره واحدة؟ دي حاجة تقلق. حصاوي: تقلق ليه؟ زبون1: إحنا فهمين الواقع اللي أحنا عايشينه عشان ندور ع الماضي؟ زبون2: ما بلاش نتكلم ع الماضي. دا الماضي دا كان كله جراح. زبون3: كلمني عن بكره وأبعد عن أمبارح, بخاف من الذكري وسهمها الجارح حصاوي: بس أنا عايز أقول... زبون1:( مقاطعا) لا تقول ولا أسمع, هو اللي فات يرجع؟ حصاوي: لأ ما يرجعش, لكن لما نفهم اللي فات, نعرف اللي إحنا فيه, وبالتالي نعرف نعمل إيه عشان نخلي بكره أجمل. زبون2: وأفرض اكتشفنا ان تاريخنا فيه حاجات كتير وحشه وكنا فاكرينها كويسة مش دا يعمل صدمة؟ حصاوي: جايز. لكن لما نعرف الحقيقة أحسن ما نعيش واحنا جاهلينها. زبون3: فال الله ولا فالك يا أخي. أفتكر خير, ليه ما تقولش العكس؟ يعني لما نراجع التاريخ نلاقي فيه حاجات كتير كويسة وكنا فاكرينها وحشة. حصاوي: جايز طبعا. زبون1: خلاص نراجع الحاجات الوحشة في تاريخنا يمكن نلاقي أنها كويسه واحنا ما نعرفش. حصاوي: ما اختلفناش بس المفروض نراجع كل شئ, الكويس والوحش.. عشان نعرف الصح من الغلط. زبون2: سيبوا التاريخ في حاله لأن فيه وجهات نظر مختلفة وعمرنا ما نتفق عليه. خلونا نراجع الحقائق اللي في حياتنا ونشوفها صح أو غلط. حصاوي: تقصد إيه؟ زبون3: أول حاجة لازم نراجعها, نحاول نتأكد إذا كانت الأرض بتلف حوالين الشمس ولا لأ.. مش جايز تكون الشمس هي اللي بتلف حوالينا والعلماء فهمونا غلط؟ (حصاوي يغشي عليه في الحال) ستار منقولة من جريدة الأهرام |
رد: قصة ظريفة
حصاوي والزبون خربطونا
تاريخنا فيه القوة والنصر وفي الضعف والموت تاريخ الحضاره والتطور وتاريخ التخبط تاريخنا وحاضرنا فرق كبير شكرا لك بلبلة الغاليه |
رد: قصة ظريفة
بسم الله الرحمن الرحيم
حبيبتى حياة شكرا لكى حبوبتى |
رد: قصة ظريفة
وانت اية بس اللى وداك عند الحصاوى
هههههههه |
رد: قصة ظريفة
اتخيب
|
رد: قصة ظريفة
طيب
ادينى اتخيبت اهوة وبعدين ؟؟؟؟ بس بردة ماجاوبتيش اية اللى وداك عن الحصاوى |
رد: قصة ظريفة
علشان مالى هدومه بس هدومه خفيفة حرام صعبان عليا
بس الحصاوى جامد ويستحمل الركوب ده حصاوى حصاوى خخخخخخخخخخخخخخخخخخخخخخخخخخخخخخخخخخخخخخخخخ |
رد: قصة ظريفة
اشكرك على القصة الرائعة:col:
اخت بلبلة اسكندرية نور الزهرة 'q |
رد: قصة ظريفة
نور الزهرة القمر تسلمى حبوبتى الجميلة
|
رد: قصة ظريفة
جميل موضوع حضرتك يا ماما بلبله وفعلا احنا تاريخنا مشرف وحاضرنا متخلف ثقافيا وفكريا وعقليا كمان بسبب الزبون 1و2و3 ايه الجهل ده بجد احنا لازم اول حاجه نعملها عشان بلادنا العربيه مشروع للثقافه العامه
يارب اعيش اللحظه اللي مجتمعي العربي كله يبقي ناس بتفهم جزاك الله خير يا ماما بلبله |
رد: قصة ظريفة
هههههههههههههههه
قصة تقلب الدماغ حصاوي وشلته هههههههههههههه تحياتي فتى الزهرة... |
رد: قصة ظريفة
ابنى الغالى محمد حاتعيش وتشوف مصر وكل البلاد العربية احسن واحسن ان شاء الله حبيب ماما
|
رد: قصة ظريفة
فتى الزهرة صح والله وجع دماغ مش تشوف الأول احمد المصرى هو اللى واجع دماغنااااااااااااااااااااااااااا مطلوب اعدامه وقبل اعدامه نركبه على حمار حصاوى بالمشقلب يعنى ضهره لافا الحمار ونزقله بالطوب بلاش بيض غالى
|
| الساعة الآن 03:23 AM |
Powered by vBulletin® Version 3.8.12 by vBS
Copyright ©2000 - 2025, vBulletin Solutions Inc.