|
بكل صراحة ... وبجرأة وبجاحة .. حبيبتى ولاء
[ALIGN=CENTER]ولاء حبيبتى
وحتكون خطيبتى يوم التلات قبل اللى فات ياريت تيجو وتحضرو وياريت كمان تقررو أمشى ف جنازتى معلش أمشى ف جوازتى وألا أسيب ما بقولش عيب أقول لكم طيب ما تيجو وتحكمو حوصف لكم جمال الحبيبة لالالالالالالالالا ياأخواتى عيبة أقول لكم وأوصف لكم ست البنات اللى القطر بتاعها فات يوم التلات من عندنا ما عرفتش تركب من أى باب حظها أسود زى الهباب طيب ما تيجوا أوصف لكم الشعور عينى عليها لو شوفتها حتحطها ليفة ف أديها والعيون متعمصة والرموش متأصأصة وألا الخدود عينى عل الخدود متفعصة والمناخير دايس عليها وابور زلط حبيبتى مابقولش فيكى حاجة غلط وألا السنان موضة قديمة بتاعة زمان ولما تضحك شلضمها توصل للودان وتلقى مكتوب على بؤها مفيش أمان منطقة خطرة محرمة والشفايف متخرمة ومكتوب عليها ممنوع الدخول عرفتوا ليه تلقى فطارها يوماتى فول أما الغدا برضه فول لكن العشا بتتعشى فول بالله عليكم لما تتكلم أيه تقول؟ حااااااااااااااا تعالو نكمل وحنوصف الرجول الرجل زى الخنفسة لوشوفتها تقول عصاية مكنسة ومغطياهم بشراب بأستك ولابسة عليه شبشب بلاستك علشان كده بحبها ورحت أطلب قربها من عمها اللى أتولى امرها بعد أبوها وداها له لوحدها يوم ما شافها والناس قالو له جت لك بنية سميها ولاء تصدقوا لما نزلت ما قالتش وااااء أول مانزلت من بطن امها كده جعرت ونعرت وبقت تقول هاتو لى فول وفحلين بصل وبريزة فجل ياأخواتى عليا بحب عجل المهم لما طلبت قربها من عمها الراجل ما صدق قالى خدها يمكن يابنى تلمها دى بنية حلوة صغيرة ومغندرة وخد عليها أتنين جنيه ما تقولش ليه؟؟؟ أقولكم بكرة تانى حوصف لكم مفاتن حبيبتى[/ALIGN] |
العبد الفقير الف الف مبروك يا خى العزيز والله انت تستاهل اكتر من كدة هنيالك عروستك بس ورينى هتكمل ازاى انالله وان الية راجعون |
ما تقلقش عليا وائل
عموما الجواز شر لابد منه ما تخافش حدبح القطة ربنا يسترها |
العبد الغني بحب الجميع
من أعماق أعماقي ...... مبرووووووووك ولو كان بإيدي كنت أحضر .. أكيد ما تأخرت نعم الإختيار يا شاعر الحب والحرب |
احمد
رضينا بالهم والهم مش راضى بينا انت تبوس ايدك وش وضهر انى وافقت مبدئيا وتصلى كمان ركعتين شكر يا حبى |
أخى الحبيب
عاشق الشرق متشكر قوى وعقبال عندكم كلكم كده وعلى فكرة عايزك تيجى بكرة حتشوف ايه اللى حيحصل معايا ومع العروسة الموكوسة أسف قصدى المحروسة لأنى ناوى اجيب لها شوية فراخ تربيهم يمكن يجيلها انفلونزا الطيور |
العبد الفقير
دة مش شر ولا بد منة دة اسمة اغتيال ، والأغتيال نوعين ان تقتل .... وان تتزوج بس انت شكلك كدة ليك رأى تانى يعنى ممكن يكون لاتقتل أمرأة ، اتركها تتعذب معك او مع غيرك اما انا يعينى على حبيبتى ( حين تنفض قميص نومها ، تمتلىء الحجرة بفراشات بيضاء) |
اهلا حبيبتى ولاء
يارب يخليكى ليا يارب [ALIGN=LEFT][ALIGN=LEFT] لا يارب ما تسمعش كلامى[/ALIGN][/ALIGN] وبعدين فعلا ياولاء أنا بوست أيدى شعر ودقن ودلوقتى حقوم أتوضأ وأصلى ركعتين فك الكرب |
ياوئل
ياوائل دى بتاعة قميص نوم دى لابسة شراب بأستك وشبشب بلاستك ربنا يأخدها قول أمين |
[ALIGN=CENTER]ولاء حبيبتى مساء الخير .
انا جيت حسب الأتفاق لازم يكون بينا وفاق والله عارفك عيلة متنيلة ومتأندلة تبيعى أبوكى ف أول محطة صح يابطة؟؟ ؟؟؟؟؟؟؟؟ أسف ما بتفش عليكى عندى زغوطة بقولك أيه؟؟؟ ما تخشى يالله تلبسى تتأنتكى وتتنهندسى علشان نلحق الترام بلاش التاكسى ياولاء حرام ودخلت ولاء عشان تغير ينهار مغبر أسود منيل جت ولاء ودراعها أنكشف بصيت لاقيت راقتين قشف من النوع التقيل مش الحنين يامصيبة سودا وحظ مطين بصيت وقلت ياولاء أستحمى قالت لى ياأحمد بلاش تغنى حتنزل معايا وألا بلاش ليه أستحمى؟؟ العيد ما جاش وكمان الحمى محتاج صابون أهدى ياأحمد بلاش جنون قلت ياواد هدى النفوس لحسن تقولك هات فلوس أجيب صابون ويمكن كمان قطرة عيون أصل المصيبة النظر مفيش ما يهمنيش وعبال ما خلصنا يدوب الكلام حسيت أنى عايز انام قلت ياولاء حستأذنك بكرة بالليل أكلمك ونتفق على المعاد ننزل نأجر الحاجات لزوم الفرح حقولكم بكرة نتقابل ونتفق وأقولكم أمتى حنزل أنا وولاء علشان نأجر الشبكة وهدوم الفرح أخوانى اهل المنتدى الكريم ... بكرة نتقابل ونتفق على ميعاد الخطوبة[/ALIGN] |
كل الشكر للاخت جارة القمر
|
| الساعة الآن 11:09 AM |
Powered by vBulletin® Version 3.8.12 by vBS
Copyright ©2000 - 2026, vBulletin Solutions Inc.