منتديات زهرة الشرق - ليــــه فاهلحظـــه تجيني...؟؟؟

تجينـي بعـد ماحبيـت غيـرك
حبيبـي ليـه هالحظـه تجينـي

حسايـف تـوك تغيـر مسيـرك
تجي يوم إنطفت شمعة حنينـي

صبرت سنين أبي صحوة ضميرك
ولافكرت في اللي صـار فينـي

زرعتك ورد واشتقـت لعبيـرك
خسـاره مالقيتـك فـي يمينـي

بكيت من العطش وأنـا بغديـرك
شربت من الظما دمعات عينـي

عشقتك صوت وأحيانـي أثيـرك
وضاع الصوت مابينـك وبينـي

سقى الله مامضى وأيـام خيـرك
على قلبك واعرف إنـك تبينـي

أكيـد اللـي تخيلتـه عشيـرك
نساك وجيت مكسـور وحزينـي

تحسب إنـي مثـل أول أسيـرك
علي تغلط وبلحظـه تحتوينـي

تذكر يـوم قلبـي مثـل طيـرك
على كيفك ورأيـك كـل حينـي

عطيتـك كـل مايمـلا نظيـرك
وعز اللي تمنـى مـن سنينـي

تذكـر ليلـه القمـرا سمـيـرك
وتعـرف قـدر حبـك ياظنينـي

عيون الشمس تعرفني سهيـرك
بقايا الليل نجمـه فـي جبينـي

حبيبي بالعتب ما أحـب أثيـرك
غلا ماضيك في قلبـي وعينـي

أنا بالعكـس يزعلنـي مصيـرك
أنـا جربـت جـرح العاشقيـن

هويت إنسان عوضنـي كثيـرك
عطاني كل عمـره فـي يمينـي

ولو تفرش إلى بيتـي حريـرك
أنا ما أبيـع واحـد مشترينـي

منقوول