منتديات زهرة الشرق - معلومات هامة لكل من تبحث عن الجمال

موضوع هام للجميع نقلته لكم وان شاء الله تستفيدوا

1- انتبهي عزيزتي لبشرة وجهك تراك مخليتها مزرعة للميكروبات والجراثيم الوحده مننا كم طن من المنظفات تستعمل ومع هذا فهي عرضة للجراثيم لأسباب منها : الفراشي والاسفنجات الخاصة بوجهك لازم تهتمين بتظيفها كل شهر تنقعينها بالماء النظيف مع بضع قطرات من الليمون .. بس خلي بالك مو تكثرين ليمون علشان ما تتلصق في وجهك...

2- بالنسبه لاهم لمسة للمرأه وهي العطر من الملحوظ على البنات اذا بغت تشتري عطر جديد اول ما تدخل تقول : ممكن لو سمحت ابي اعرف آخرنازل موديل من البرفيوم وبعدين تشتريه علشانه جديد وعلبته حلوه .....
او تشتريه علشان شايفته مع وحده رزه وتتناسى ان العطر هذا هو رمز لذوفها الشخصي ...
وهــــــــاه انتبهي تحطين العطر على جسم وسخ لان العطور فيها كحول اللي ينتشر بسرعه وبعدين تصيرين فواحة عطر مع ريحه............. وعلى كل حال أطيب الطيب المـــــــــــــــاء

3-تذكري ابتسامتك هي سر جمالك حافظي على اسنانك وتخيلي بنت شياكيه ورزه واذا فتحت فمها فاحت عليك الروايح غصب عليها المسكينه وش تسوي في فم كله تسوس الاحسن تحافظ عليها من الاول

4- اذا ابتليت باسنان صفراء اللون استعملي ارواج لونها يميل للزرقة مثل العنابي والتوتو (الكرزي) وابتعدي كل البعد عن الالوان الوردية والبرتقاليه لانها تبرز اللون الاصفر وممكن اقول لك وصفه مجربتها وحده صديقتي ولاحظنا كلنا عليها الفرق لكن تراها ما تناسب اللثه الحساسه دقي شوية فحم مع ملح خشن وافركي فيها الاسنان وراح تلاحظين الفرق ان شاء الله
وبالنسبه للشفاة اهم شي لا تتعدين على القشره الرقيقه لانها حساسه بشكل لدرجه انها بعض الاحيان لا يمكن ان تتعوض وتصير شفتك كلها مطبات

أتمنى الفائدة للجميع