رد على الشاعرة زاهية ( العالية ) ..
 

[ALIGN=CENTER]السلام عليكم .

أخواني القراء ..
في البداية احب أنوه على أن الشعراء يقولون ويكتبون مالا يفعلون ..
يعني لا تدققون مرة
والحقيقة أنا أعجبت بقصيدة الأخت الشاعر زاهية بقصيدتها الاخيرة ..
فأحببت أن أجاريها برد بسيط أتمنى أن تحصل الفكرة على استحسانكم
وعلى أستحسان الأخت الشاعر زاهية أولاً ..

تقول الأخت الشاعرة زاهية .. الله يسعدها ..


حسبي على اللي نارهم وسط جوفي //// تسعر وتحرقني بليا مروفه
ناس ٍ لهم بالقلب حبن شغوفي //// اهديتهم ودي بليا حسوفه
من دونهم رديت طعنة سيوفي//// والكل منهم مشهرٍ لي سيوفه
وكلت فيهم من بخلقه يروفي //// العالم اللي كل شي يشوفه
من عافني بنساه واعلن عزوفي//// على الملا من قبل يعلن عزوفي
الزاهيه اسمي وتزهى حروفي//// لو جار وقتي واتعبتني ظروفه
ماني من اللي للردايا قطوفي //// ولاني من اللي قاصرات كفوفه
بالناس انا متميزه في وصوفي //// مثلي الجبل متميزٍ في وقوفه


وقلت بتكلف ومحاولة لإخراج ما يحوز على رضاكم ما يلي :



حي الله اللي مثلها ما نشوفي ||||| وحياك ياللي بالقوافي ولوفه
وحي الشموخ اللي تمثل وقوفي ||||| بهذا القصيد اللي تشدك حروفه
شعرٍ طبيعي ما تحسه كلوفي ||||| له طيب فايح ينتشر في عطوفه
ما جيت مادح واكتب الخط كوفي ||||| والا مطبل كل همه دفوفه
جيتك مرحّب والمراحب ألوفي ||||| وجيت اتمشى يم بيت الهنوفه
الحس حاضر والندى في كفوفي ||||| والشعر جاهز ما يبي له بروفه
هذي حروفي ناظريها وشوفي ||||| فيها من الاحساس شوق وكسوفه
وانا اشهد اني رهن قاسي ظروفي ||||| بدر المشاغل ما يضره خسوفه
جيتك فخر اني على العهد موفي ||||| رغم الزمان اللي تعدد كشوفه
ورغم الجراح اللي بها حل خوفي ||||| ورغم العذاب اللي بلتني صنوفه
هذا وقوفي كان همك وقوفي ||||| عند القصيد اللي خذتني حروفه

وسلامة الجميع

أخوكم

السيف الخيالي[/ALIGN]

الحس حاضر والندى في كفوفي ||||| والشعر جاهز ما يبي له بروفه
هذي حروفي ناظريها وشوفي ||||| فيها من الاحساس شوق وكسوفه


وااااااااااااو ماشاء الله روووووعة أخوي


صح لسانك أخوي السيف الخيالي

كلام موزون رهييييييييب وله معاني

سلمت وسلمت يمينك

الله يعطيك ألف عافية

الكوبرا

أحسنت أخي الكريم السيف الخيالي


قصيدة راائعة للغاية ومعبرة جدا

ننتظر شاعرتنا زاهية للرد



مع التحية والتقدير لشخصك الكريم

صح لسانك

جد رائع

ونتظر رد الاخت زاهية

حي الله اللي مثلها ما نشوفي ||||| وحياك ياللي بالقوافي ولوفه
وحي الشموخ اللي تمثل وقوفي ||||| بهذا القصيد اللي تشدك حروفه
شعرٍ طبيعي ما تحسه كلوفي ||||| له طيب فايح ينتشر في عطوفه


والله خوش رد أخوي السيف الخيالي

صح لسانك على القصيدة الممتعة

أشكر الجميع على تفاعلهم مع المشاركة

شكرا جزيلاً كوبرا
شكرا جزيلاً سراب
شكرا جزيلاً نجم الليل
شكرا جزيلاً الملك
شكرا جزيلاً وتحياتي زاهية


لا عدمتكم كلكم ..
.......................................... أخوكم السيف الخيالي