العودة   منتديات زهرة الشرق > >{}{ منتديات الزهرة الثقافية }{}< > أشعار وقصائد

أشعار وقصائد زهرة القصائد ونظم الأشعار - شعر شعبي - شعر فصيح - شعر نبطي - إبداع الشعراء - إبداع الشعر - دواوين شعر وقصائد مختارة

إضافة رد
 
أدوات الموضوع
قديم 19-05-03, 10:34 PM   #1
 
الصورة الرمزية أم متعـMـب

أم متعـMـب
مراقبة الأقسام الأسرية

رقم العضوية : 555
تاريخ التسجيل : Dec 2002
عدد المشاركات : 17,938
عدد النقاط : 10

أوسمة العضو
لاتوجد أوسمة لـ أم متعـMـب
يبــــــه وينــــك ؟؟؟؟




[c]يبـه وينك ؟؟

ولهت لنظره من عينك ....
يبه وينك ؟؟
اشوفه طوّل غيابك !!
و من ودّاك .... ما جابك !!
قالوا ما يدوم الزين !!
و انا عندي امل للحين ..
و لا كني اعرفك وين !!


يبه وينك ؟؟
عسى الداعي يبه بس خير ؟!!
عساك بخير ....!!
مداين تكرم لعينك ...
بس ارجوك علمني ...
علمني .. يبه وينك ؟؟


سألت امي عن رجوعك ...
ولا كني اعرفك وين !!
و قالت ..
ما يدوم الزين !!
و انا .. عندي امل للحين ..
في رجوعك !!
يبه بس تكفى علمني ....
متى رجوعك ؟؟
يبه بس تكفى علمني .
وش احلى من طلوع اثنين ؟؟
طلوع الشمس .... و طلوعك


يبه وينك ؟؟
سألت امي ...... غيابك طال ؟؟
ولا كنّي اعرفك وين !!
و قالت مثل ما قالت ..
حسافه ...
ما يدوم الزين ...
مع كل هذا صدقني ..
انا عندي امل للحين !!


سؤالي عنك يالوالد ..
صبح موال
و اشوفه طال ...
والله طال ..
حزين .. بلحنه و حروفه ...
يخاف .. يموت من خوفه ...
و قلب ٍ كان اقوى قلب ...
ضعف .. من قسوة ظروفه ..
يبه ..
ارجوك علمني ...
تشوف اللي انا اشوفه ؟؟
انا اشوفك نهار و ليل ...
في وسط المجلس تصلي ..
و تدعي الرب ييسر لي ..
يبه ..
ما عاد بي من حيل ..
وين الحيل ؟؟
و انا اشوفك نهار و ليل ..
مع اني ادري ما ترجع !!
غريبه .. بعدها تدمع ..
عيوني من هموم البين !!
و ادريبه مكانك وين !!
مع َ هذا .. ارد و اسأل !!
يبه ....
ووووينك ؟؟
و لا كني اعرفك وين !!


شبكت العشر في غيابك ...
على راس ٍ كساه الشيب ..
و من وداك ... ما جابك ..
و لا ادري وش يخبي الغيب !!
و جرح ٍ عذ ّب احبابك ....
يبه ..عيّا يخف و يطيب !!


يبه.. كل جرح في الدنيا ..
مصيره بالدوا يلتم ...
و لكن البلا من جرح ..
نزف فرقاك ... بليّا دم !!
و هذا الفرق في جرحي ...
عجز يلقا الدوا دكتور ..
انا جرحي غريب الطور !!
ينزف ... بس بليّا دم ..
و زاد الهم فوق الهم ...
و دام انك يبه غايب ...
جروح الغيبه ما تـلتم ..
بس عندي امل للحين !!
و لا كنّي اعرفك وين !!


يبه .. ذكراك تفرحني ....
في نفس الوقت تجرحني !!
لا من جبت في طاريك ...
دموعي غصب تفضحني ....


يبه .. تذكر ليالي الصيف ؟؟
عرس الحي .. و رقص السيف ؟؟
و كرم قلبك معَ هـالناس ..
كل ٍ كان في بيتك ضيف ..
الا يا حيف .... الا يا حيف ..
زمن قاسي ..
زمن قاسي ...
اخذ مني بلا رحمه
اخذ مني اعز ناسي !!
و خلاّ لي سهر هالليل ..
في عيني ضيف ..
الا يا حيف !!


يبه وينك ؟؟
تعال و شوف ...
كبرنا مثل ما تمنيت .
درسنا كل ما حبيت ..
نصلي مثل ما وصيت ..
و ندعيلك في كل ظروف ..
يبه وينك ؟؟
تعال و شوف ..
صحيح الدنيا ما ترحم ..
تجرعنا التعب انواع ...
و لكن الأمل ما ضاع ..
و انا عندي امل للحين !!
و لا كني اعرفك وين !!


يبه تذكر شطانـتـنا ؟؟
انا و اخواني و اخواتي ...
معانا عيال حارتنا ..
نلعب في زوايا البيت ..
يبه ... والله انا حنيت ..
لذاك الوقت في وجودك ...
الا يا ريت ... الا يا ريت ...
ترجع .. يا يبه حنيت ..
حسافه الدنيا ما ترحم ...
خذت منا سعادتنا ...
خذتك بعيد .. و خلتنا !!!


يبه امي تذّكرنا ...
بأيامك قبل ما تروح ...
تناديها.. يا روح الروح ..
تغازلها و تنظر لك ..
مثل طفله ...
ملامحها عشق مفضوح ...
في ذاك الوقت .. كنا صغار ...
معَ هذا ... كنا نغار ..
عليها .. او بعد منها ... كنا نغار


نحبك يا يبه ... ارجع
مثل شمس الفجر .. اطلع
حزينه الشمس في غيابك ..
و نفس الحزن في احبابك ..
واخاف الشمس من حزني ..
تغيب و ما بعد تطلع !!
يبه ارجع !!


اذا لي خاطر فـ قلبك ..
تعال و زورنا بس يوم ...
مع انه ما يكفينا .. نشوفك يوم ..
نبي حضنك يدفينا .. و نشوفك دوم ..
لكن قلّت الحيله ... و يمكن مـ البطا ضاعت ..
و قلنا يوم !!


يبه سامحني بترخّص ...
قبل ينشف حبر الأقلام ..
كلامي بعده ما خلّص ..
و لكن موعد الأحلام ..
حان ..
ولازم اوفي له..
بعد ما ضاعت الحيله ..
اشوفك والوعد باكر !!
اذا فكّر يجي باكر ..!!
و برجع اسألك وينك !!
بس لازم تجاوبني ..
ترى عندي امل للحين !!
و لا كني اعرفك وين ..!!


كلمات اعجبتني ..أتمنى ان تقبلوها مني وتجعلوها مضيئه بنورها وصدقها

التصميم للاخ الفاضل Love-Lake (عبدالعزيز)

وتقديري للجميع
[/c]


توقيع : أم متعـMـب
زهرة الشرق .. أكبر تجمع عائلي

أم متعـMـب غير متواجد حالياً   رد مع اقتباس
قديم 20-05-03, 01:57 AM   #2
 
الصورة الرمزية عاشق الورد

عاشق الورد
رحمة الله عليك

رقم العضوية : 48
تاريخ التسجيل : Jun 2002
عدد المشاركات : 915
عدد النقاط : 10

أوسمة العضو
لاتوجد أوسمة لـ عاشق الورد

تسلمي والله ياأم متعب
إختيار رائع بحق
فيه من الحزن والأسى على مافقدنا من عزيز
وشكرا للأخ عبدالعزيز على تصميمه الجميل

العميد


توقيع : عاشق الورد
زهرة الشرق

عاشق الورد غير متواجد حالياً   رد مع اقتباس
قديم 20-05-03, 02:15 AM   #3
 
الصورة الرمزية أم متعـMـب

أم متعـMـب
مراقبة الأقسام الأسرية

رقم العضوية : 555
تاريخ التسجيل : Dec 2002
عدد المشاركات : 17,938
عدد النقاط : 10

أوسمة العضو
لاتوجد أوسمة لـ أم متعـMـب

السلام عليكم ورحمة الله وبركاته

مسرورة بمرورك الكريم اخي عاشق الورد

واعجابك باختياري

رحم الله والدي واخي وتغمدهم بواسع رحمته واموات المسلمين كلهم اجمعين

وان شاء الله يكون الاخ عبدالعزيز راضي علي لاني لم استاذنه بأخذ تصميمه

وتقديري لجميع اسرة منتدى زهرة الشرق


توقيع : أم متعـMـب
زهرة الشرق .. أكبر تجمع عائلي

أم متعـMـب غير متواجد حالياً   رد مع اقتباس
قديم 20-05-03, 08:38 PM   #4

همسة حب
همسات شرقية

رقم العضوية : 250
تاريخ التسجيل : Aug 2002
عدد المشاركات : 1,086
عدد النقاط : 10

أوسمة العضو
لاتوجد أوسمة لـ همسة حب

مشكوور أختي الغالية أم متعب

كلمات روووعة واختيار موفق للغاية


رحم الله والدك واخوك وتغمدهم بواسع رحمته واموات المسلمين كلهم اجمعين


ألهم آمين


اختك همسة


توقيع : همسة حب



نعم المحدث والرفيق كتاب
................. تلهو به ان خانك الاصحاب


لا مفشيا سرا اذا استودعته
................. وتُنال منه حكــمة وصواب


همسة حب غير متواجد حالياً   رد مع اقتباس
قديم 23-05-03, 09:48 PM   #5

مشاعل
العضوية الماسية

رقم العضوية : 664
تاريخ التسجيل : Jan 2003
عدد المشاركات : 1,627
عدد النقاط : 10

أوسمة العضو
لاتوجد أوسمة لـ مشاعل

اختيار موفق اختي الغالية ام متعب

والكلمات حزينة

والتصميم مناسب جدا

ام بندر


توقيع : مشاعل

مشاعل غير متواجد حالياً   رد مع اقتباس
قديم 23-05-03, 10:38 PM   #6

هاوي
جيل الرواد

رقم العضوية : 367
تاريخ التسجيل : Sep 2002
عدد المشاركات : 3,888
عدد النقاط : 10

أوسمة العضو
لاتوجد أوسمة لـ هاوي

السلام عليكم 00000

اختي ام متعب

اختيار موفق .. ورحم الله والدكِ وأخيك وجميع موتى المسلمين ...










هــــــــــاوي


توقيع : هاوي
[align=center]هــ وي ـــا[/align]



zahrah.com

هاوي غير متواجد حالياً   رد مع اقتباس
قديم 25-05-03, 03:51 PM   #7
 
الصورة الرمزية أم متعـMـب

أم متعـMـب
مراقبة الأقسام الأسرية

رقم العضوية : 555
تاريخ التسجيل : Dec 2002
عدد المشاركات : 17,938
عدد النقاط : 10

أوسمة العضو
لاتوجد أوسمة لـ أم متعـMـب

السلام عليكم ورحمة الله وبركاته

اخواتي : همسة حب - ام بندر

اخي : هـــــــاوي

الله يعطيكم العافية على مروركم الكريم

وعلى تعقيبكم على المشاركة
مسرورة باعجابكم بها

وتقديري للجميع


توقيع : أم متعـMـب
زهرة الشرق .. أكبر تجمع عائلي

أم متعـMـب غير متواجد حالياً   رد مع اقتباس
إضافة رد

أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 06:42 PM

Powered by vBulletin® Version 3.8.12 by vBS
Copyright ©2000 - 2024, vBulletin Solutions Inc.

زهرة الشرق   -   الحياة الزوجية   -   صور وغرائب   -   التغذية والصحة   -   ديكورات منزلية   -   العناية بالبشرة   -   أزياء نسائية   -   كمبيوتر   -   أطباق ومأكولات -   ريجيم ورشاقة -   أسرار الحياة الزوجية -   العناية بالبشرة

المواضيع والتعليقات المنشورة لا تعبر عن رأي منتديات زهرة الشرق ولا نتحمل أي مسؤولية قانونية حيال ذلك

(ويتحمل كاتبها مسؤولية النشر)